السلام عليكم
يلا يا حريم كل وحدة تقولنا اول مرك ذاق ريلج طباخ شو كان موقفة
عجبة؟
ولا قالج مب حلو ؟
ولا جاملج ؟
عصب؟
باااات فالمستشفى ؟
واذا كنتي ما تعرفين تطبخين كيف تعلمتي ؟
وكيف عرفتي ذوق ريلج فالاكل ؟
يلا يا بنات شاركونا تجاربكم عسب المقبلات على الزواج والمالجات والمعرسات بعد يستفيدون 
أول طبخه سويتها كانت المندي ويا العيش وبصراحه كان طعمه روعه ههههه طبعا ريلي مب من النوع الي يمدح الأكل ��. ف كان يقولي بعزم ربعي وسوي لهم عيش مندي وصالونات. من أهني عرفت شو ذوقه ف الأكل.
طبعا اول مرة سويت الصالونه قالي سويلي دوم منها لأنه أمه كانت تسويها . وبس بالتجارب اطبخ ههههههه.
ومع العشرة تعرفين شو الي يحبه وشو لي مايحبه. سويت كمن مرة مكرونه �� كان يخليها مثل ماهي ههههه ف خلاص عرفت انه ممايحبها…
ماكنت اعرف اطبخ البرياني ف تعلمته من اختي عالفون . اتصل فيها وتعطيني الخطوات بس وووين لين ماتعلمته هههههه
الطبخ يباله نفس ههههههه
ملقووووووووفة بس حبيت المووضوع الصراحة ..
يمكن أرد عليج لما الله يرزقني بالزوج الصالح إن شاء الله ..
اول طبخه محروقه
ثاني طبخه نيَه
وثالث طبخه كانت دجاج بالفرن وضبطتها وطلعت واااو وسويت عيش ابيض
ورابع طبخه باستا بالدجاج ( مخلوط صلصة الطماطم مع كريمة الطبخ )
عجبه بس ريلي من النوع اللي اصلا يتعشى المغرب
وانا ماتحمل اكل المغرب وخلاف ماتعشى
ههههههههه
وهو مايذم بس يطالع بعيوووووونه يدقق في ملامح ويهي اذا مب عاجبه ههههههههه
بالذات يوم كانت الاكله نيَه
بس الواحد يتعلم من أخطائه ولا شو الراي ؟
ههههههههههههههه
الحمدلله ماترقد فالمستشفى من بعد عشايه
ههههههههههه
حبيت الموضوع
اذكر اول أكله كانت برياني دياي وعجبته الحمدلله
بس مستحيل ارد اسويها بالضبط نفس قبل
كل شي بالتعلم .. والنت متروس
زارني على الغداء وسويته برياني هندي اصيل ههههه عيبة وانصدم اني سويته 