السلام عليكم جميعا
كل بنت تغلط و محد معصوم من الغلط المهم بكلمكم بكل صراحه انا في فتره كلمت واحد المهم بعد مده عرفو اهلي المهم من بعدها سحبو اتلفون و منعوني من الطلعه و من اي حد اي عندي كأني في سجن المهم بعد فتره رجعت اكمل دراستي و بدون تلفون و بعدين كرهت الدراسه من معاملة اهلي لي و خواتي و في كل شي بيشكون و الولد الي كنت اكلمه خليته و تغيرت بس اهلي ما اقتنعو باني تغيرت عن قبل حاولت فيهم يرجعون اتلفون مب موافقين و كان اخويه الي متحكم ف كل شي و بعد ما سلمت من خواتي الكبار من كلامهم الجارح بسبب غلط غلطته في حياتي و ندمت عليه و الحين تبت منهم كرهت عيشتي و كرهت كل شي تقدمو لي كم واحد و اخترت الي يسكن ابعد عن منطقتنا عشان ابتعد من مشاكلهم و كلامهم الجارح تمو ينصحوني اختار الاقرب لمنطقتنا المهم كلمني اخويه الثاني الي مايعرف عن السالفه و نصحني عن واحد قربنا و من اهلنا و توكلت على الله و ملجت و انا تغيرت نفسيا و تفكيريا و كبرت مخي في ملجتي مادري ليش خواتي معصبات يعني حتى سالفه الزواج مش عاجبتنهم !! ماعرفت كيف ارضي الكل و ارضي نفسي المهم كل ما ايبون لي هدايا الملجه و يابو لي تلفون الي هم اهل زوجي بس ما يكلمني لين بعد العرس وحده من خواتي مطلقه مادري شو ياها كل ما يستوي شي فيه خير من صوب اهل زوجي لي تحسدني و تقول كلام جارح للخدامه عني و تي الخدامه تخبرني كلام وصخ يهتز عرش الرحمن منه تقول هالكلام و انا حرمه ريال و تبت عن الي صار قبل و تغيرت و بعدها تقولي كلام جارح و وصخ حتى اختي الثانيه المتزوجه يتكلمون عني و يوصلني الكلام و اسكت احترامن لهم و اتريا اليوم المناسب و اقول بس فتره و بتعدي و بروح عنهم بس انا مب مرتاحه معاهم و اختي الثاني تقولي ابعدي عن ربيعاتج الي خربنج و مادري شو و انا بصراحه ابتعدت عن ربيعاتي الي مخرباتني و بعدها مب مصدقتني و كل شي اقوله لهم جذب و اقولها اني هالفتره ما اطلع و ماعندي ربيعات مثل قبل انا تغيرت و ماتصدق و هالفتره انا اتزهب للعرس و محد من خواتي ساعدني او نصحني كله يحشون من ورايه و كلام وصخ و اخويه الي مسكني اني اكلم واحد لين الحين ما اكلمه و لا يكلمني يمكن كملنا نص سنه الحين و قريب بيتزوج و اخويه الي اصغر منه واقف معايه الي مايعرف شسالفه
اتمنى تشوفون شو الحل ب حالتي و شو اسوي انا تعبت منهم 😞
تمت الموافقة
الكلمة الطيبة صـــدقة
الله يعينج حبيبتي ويصبرج يارب
اهم شي انج انتي يوم بتتغيرين عشان نفسج مب عشانهم
انتي داخله عحياه يديده و عسى ربي يوفقج
و بخصوص قبل انج كنتي تكلمين شخص .. شي و استوى و عندج رب يحاسبج بس مب خواتج او الناس
لا تحاولين ترضين حد
الله يتمملج على خير .. ما عليج منهن .. المهم انج مرتاحه ومقتنعه باللي تسويه ..
وعقب لا تسمحين لاي وحده فيهن تتجرا عليج ولو بكلمه بمعنى لا تسكتين ، لانهن بتمادن عقب وبعقن كلام جدام اللي يسولى واللي ما يسوى ..
الله يوفقج حبيبتي
اختي رضا الناس غاية لا تدرك حتى الاهل لا تعورين راسج وياهم
أو تحاولين تكسبين ثقتهم مرة ثانيه دام هذا أسلوبهم وياج، خليهم ولا تتكلمين وياهم نفس ما هم يسوون وياج
انتي أن شاء الله بتعرسين وبتستقرين ف حياتج فاهتمي بهالشي وخلي اللي في خاطره رمسه يرمس
دام انه اللي سويتيه قبل صار ماضي وانتهى ف ما عليج من حد
مردهم بيندمون يوم بيحسون انهم خسروج.
والله يوفقج ويسهل أمورج
موفقه
الله يهديهن .. حاولي تخلصين كل شي بروحج ولا تعتمدين على حد
واخوج الي ما يرمسج روحي له واعتذري مره ثانيه واستسمحي منه وقولي له انا غلطت وكانت اول واخر مره والحمدلله ان الله رزقني ب ولد الحلال ولا تشل علي بخاطرك ومحد ضامن هالدنيا وان شاء الله يرضى
وخواتج .. من الاخر غسلي ايدج منهن 
دام يطلعن رمسات ويطعنن ف الظهر عند الخدامه ومش وحده بعد ثنتين ضدج .. طنشي وخلصي امورج والله يوفقج والله يهديهن يااااااااارب .. بس كلمي اخوج
موفقه 