السلام عليكم ورحمة الله وبركاته
حبيت اناقش اليوم موضوع وانا اشوفه بالنسبه لي مهم
وهو يختص باسعار القطع او الاقمشه
لانه كل ماروح يوم القاهم رفعو السعر
وكلمتهم اللي الحين تعودو عليها تبين خذي ماتبين روحي
ليش طبعا يقولون جيه؟
لانه يعرفون اذ انا ماخذتها غيري بياخذها وبالسعر اللي هم يبونه
وانا اعرف انه قيمتها انزل عن جذيه بوايد لكن الغلط من الحريم
يقوللها بالسعر الفلاني قالت لك اوك قصها
من فتر ه رايحه واشوف وحد ماخذه قطع يقوللها قيمتها 75
وهيه اصلا سعرها 30
بدون ماتقوله نزل او شي قالت له اوك
يمكن البعض ماعندهن خلفيه عن الاسعار بس علاقل نزلي من قيمتها
بتقولين الا هيه 75 ورخيصه
لا انا مب وياج بها النقطه
اليوم خلاها ب 75 باجر بيخليها ب 100 واللي بعدها يدبل
وهيه ماتعدي ال 50
بدل الوحده تشترين 2 او 3
الاسعار طبعا تختلف باختلاف نوع القماش واذ كان مشجر او ساده
واغلب القطع اللي نقصها معروفه الي هيه
القطن
وله اكثر من مسميات وانواع
القطن الشربت
القطن الايطالي تكون قطعته شوي غليظه انا اشوفه ينفس للمخورات والطبعه اكثر
قطن ديجيتل
قطن فرنسي
لميس
قطن جاباني
قطن اطلس اللي قطعتها تكون نفس القطع اللي يلبسنها بنات صلاله هذي سعرها بعد وايد حلو وملمسها حلو الكل الحين ياخذ منها بس عيبها انها تتمدد وتطول بعد الغسل ونصهن لا
وانواع وااايد للقطن بس هذيلا اللي اعرفهن
الويل
والويل وايد بعد احبه وله اكثر من نوع فيه ويل ديجتل واعتقد ويل فرنسي ويمكن في انواع ثانيه
الحرير
الحرير في الطبيعي الفرنسي
والحرير العادي اليني
الحرير الطبيعي يكون احلى واغلى وتعرفينه من ملمسه لو تلمينه بيدج القطعه كامله ينلم
الجورجيت
الشيفون
والشيفون بعد تختلف اسعاره على حسب نوعيته
فيه شيفون جورجيت
شيفون طبيعي
شيفون فرنسي
هنيه من هالموضوع نبا نعرف الاسعار المعروفه للقطع وين المحلات اللي تبيعهن باسعار زينه
فالعين عندنا وايد اماكن بس اكثر مكان معروف هو محلات قوم عابد (مجموعة محلات سيد قرب المخزن العماني وقرب الحظ بس انا اسميهن كلهن باسم عابد 
) وبعد بالمسعودي ومحلات والمناصير
انا اشوف محلات قوم عابد محلاتهم اسعارهن لاباس بس بعد بمكاسر لو انهم ابطرو شوي
اتمنى التفاعل من العضوات عشان مانخليهم يقصون علينا باسعارهم
حـلوو الموضووع… اتمنى التفاااعــل فيــه لأني مـن عرست وانا بعدني لازم اعتمد ع امـايه ف سالفة القطع والخياييط >< بإختصـار لأني ماأعرف أسعارهم وايد,, و دووم أكون مقصـه خخخ
ثانكــس ع الموضوع خيتـو و نتريااا تفاعلكـن بنااات و حريماات
موضوعك مفيييد والكل يستفيد منه
احب اخذ من محلات الاميري
ما عندي خلفية بأنواع القطع ،,
اعتمادي كله ع الوالدة ^^
موضوع حلوووووو
عندي خلفية لا باس بها في القطع وأسعارها
لكني ماحب ألف السوق وايد مع انه شغلي في مجال الأزياء يلزمني بذلك 
لكني بعد ما ألف ,, مااااااااااااحب
بشكل عام اسير للمحلات اللي أثق بأن قطعهم أصلية وذات جودة .. لأني أقدر أميزهم عن غيرهم
ولاااااااابد من المكاسر
مشكورة حبيبتي عالموضوع الجميل