السلام عليكم و رحمة الله و بركاته
اول شي حبيت اشكر صاحبة النك انها عطتني النك عشان اكتب مشكلتي
والحين بدخل بالموضوع
انا الحمدلله بنت جامعيه و طيبه واخلاقي عاليه بشهادة الجميع وربي عطاني قدر عالي من الجمال و حلمي مثل اي بنت اني اتزوج شخص جميل و مزيون مثلي هالشيء في خاطري يعني
و خطبوني اثنين خلال هالسنه و رفضتهم مع انه ماشاءالله اخلاق و صلاه و سمعه طيبه وعايشين بقصور و هالشي مايهمني
بس اشكالهم عاديه يعني مافيهم جمال و هذا سبب رفضي انه جمالهم عادي جدا جدا و صرت مااهتم وايد بحالته الماديه انه مقتدر او لا او اصله وفصله كثر مااهتم كيف شكله وهل جميل او لا
يا بنات ابا اغير من نفسي واغير تفكيري بموضوع الجمال و ابي نصايحكم
و اخر شي مابا رد يجرحني لأني ماكتبت هالشي الا لاني مب راضيه وابا حل هالموضوع
أختي اهم شئ القلب والاخلاق ما يهم الشكل الخارجي لان عمر الجمال ما ياب السعادة كل شئ يروح وما يهم بس الي اهم شئ لازم يبقى القلب الطيب الحنون الي الكل يتمناه أختي شو فائدة الواحد يكون فيه كل الجمال بس ما يحمل في قلبه حب وأخلاق
الجوهر اهم من المظهر
اتمنى أني أكون أفدتج حتى لو شئ بسيط من الكلام والله يوفقج ويسعدج
استغفر الله استغفر الله استغفر الله استغفر الله استغفر الله استغفر الله استغفر الله استغفر الله استغفر الله استغفر الله
استغفر الله استغفر الله استغفر الله استغفر الله استغفر الله استغفر الله استغفر الله استغفر الله
استغفر الله استغفر الله استغفر الله استغفر الله استغفر الله استغفر الله
انتي عارفه وين المشكله، المشكله فيج انه ما عندج قناعه
والقنوع محظوظ ف هالدنيا لانه يرضى باللي الله عطاه اياه
المظاهر الخارجيه مب دايمه، هل تضمنين انه الريال الجميل
بيتم جميل طول عمره ! يمكن لا قدر الله صارله حادث او
شي يشوه مظهره الخارجي هل عقبها بتقبلين فيه ؟ ما افاول
عليج لكن حطي ف بالج انه الريال عكس الحرمه، الريال تبين
فيه شخصيته واخلاقه ودينه وليس جماله لانه اللي بيعاني ف
الاخير انتي وعقبها جماله ما بينفعج ف شي غير انج تتحسفين
ع قرارج اللي اتخذتيه، ف نصيحتي لج راجعي نفسج ولا ترفضين
الريال عشان جماله عادي ولا متوسط ! يكفي انه شكله يكون مقبول
وبالسؤال عنه وصلاه الاستخاره عقبها بتعرفين راي قلبج وبناء عليه
بترفضين او توافقين لانه التأخير يمكن ما يكون ف صالحج
الله يجدملج اللي فيه الخير
مب مهم الجمال اهم شي تاخذين واحد يخاف الله ويحطج فعينه
العشرة سبحان الله تولد المحبة
حتي الزوج القبيح مع الايام والعشرة تحبينه بمواقفه و تعامله
انتي استخيري الله ولا يهمج انتي بالجمال فقط شوفي النواحي الايجابيه فيه وعدديهن وشوفي نفسج
صدقيني الحب يولد المعجزات لابتفكرين بشكله ، ولا فلوسه ولا شي غير انج تحبينه وبس وربي يووووفقج ويرزقج الزووووج الصااالح
شو فايدة الجمال
اذا كان مغازلجي ولايهتم فيج وبطران وحالته لله؟
يمكن الله يعطيج واحد حلو مثل ماتبين بس تندمين عليه
يكون بطران وشايف عمره وبعدين الحلوين البنات دوم وراهم :]
خذيلج واحد عادي ابرك لج