~::~
بنات منو منكم يصير لها انتفاخ في منطقـــــــــــة أسفــــل
البطن في فترة الدورة الشهرية .. وكيف الوحدة ممكــــن
تتخلص من هالانتفاخ .. لأنه ما يظهر الا في هالفـــــترة
وبس .. ياريت اللي عندها إفادة تفيدنا ..
~::~
السلاام عليكم
هلا حبوبه
اسمعيني يابعد جبدي عليج بجربة الماي الحاره الي هي مطارة ماي حار للبطن
وبعدين فوريلج ماي بالجدر ع النار وحطي وياه شكر وزعفران وحلبه وبعدين
حطيه بالترمس مال الشاي وطبعا تصفينه عن الحلبه وطول اليوم اشربي منه
وتدفي بالملابس زين يابعدي
وربي عن تجربه اقولج لي يمكن 3 سنوات اشوي هالطريقه
والله يسهل عليج ويشفيج يالغلا
في امان الرحمن
انا اشوفه انه شي طبيعي حتى اختي تقلي نفس الشي اقلها طبيعي بهالفتره يستوي انتفاخ من تخلص الدوره تروح
~::~
بارك الله فيج حبيبتي بس والله انه ريحة الحلبه ما ادانيها استغفر
الله كل اللي قلتي عنه مقدور عليه واعرف
ان لها فوايد بس شو اسوي ما اروم ع ريحتها
وألف شكر لمرورج الغالية ..:22 (26):
~::~
~::~
هيه حبيبتي اريام 2 هو يختفي
بس ما احبه جي منتفخ بها الفترة
تصيبني حالة اكتئاب .. وألف شكر ع مرورج ..
~::~
عااااادي انا بعد لما ينتفخ بطني اعرف ان خلاص بتشرف الدورة عادي تروح عقب
الغالية حطي مطارة الماي على بطنج وبترتاحين