السلام عليكم
بنات انا البارح يوم كنت بالدوام دخل علي ريال وعطاني ملف اسود فيه ورقه قال اقري الي داخل انا فكرت البلديه قريت الورقه جان مكتوب فيها سري وامن دوله ويرجي الرد على حامل هذه الورقه بصراحه والي يكذب بيتعرض لعقوبه المهم قال لنا نحلف القسم قعد يقول قولي وراي استغفر استغفر الله والمهم قال قسم طويل عريض معناه انه مانطلع الي يصير برع سألنا متزوجين جم عمركم كم عندكم عيال وكان واااايد جاد المهم قبل مايطلع قال لنا القسم مره ثانيه وراح المهم انا كنت خيفانه وخذت رقم السياره وخبرت ابوي ودق للامن قالو ماطرشنا حد فبلغو شرطة الذيد وانا موب من الذيد بس المشكله صارت هناك بمحل مكياجي لاني اداوم بكلبا بمكياجي ومديرة الذيد موب موجوده اجازه فخذت مكانها المهم طلبتنا الشرطه وراوونا صوره شكينا بالصوره لانه لابس نظاره يوم جان عدنا المهم قالو الريال من خورفكان بنروح نشوفه اليوم وبقولكم شو صار وعفكره هو جذاب بس ما اعرف اتنازل ولا ارفع قضية؟؟؟بقولكم شو بيصير لما ارجع بشوف الريال الساعه وحده وبقول لكم اسمه….
الجزء الثاني :
رحنا الشرطه وزخوه وكسر بخاطري فتنازلت وحولو القضيه الجيش وعفكره لما سألته ربيعتي ليش سويت جي قال بس جي راح فتن عليه الضابط وطرده ع السجن وكسر بخاطري تمينا نترجى الشرطه يطلعوه
الغاليه المفروض اتقولين له شو اللي يثبت ابغي اشوف بطاقتك المدنيه ! وهذا من حقج
المهم الله يسهل عليج يارب
ما اعرف والله انا خفت
والله مااعرف شو اقول لج
صدق ان الموقف يخووووف
شو هالحركة؟؟ بس الحمدلله انج بلغتي عليه .. هذا وين عايش؟
والله صدق موقف يخوف
بس شووو يبا وليش سوى جي
اختي من حقكم تطلبون شي يثبت انه من الامن وبعدين الامن مب هاي طريقتهمـ ..
ارفعوا قضيه عشان يكون عبره لغيره