يابنات منتداي الغالي هذي مشكلة ربيعتي الله يفرج همها ويعينها على مصيبتها ….بصراحه انا ماعرفت شو اقول لها اتمنى تساعدونها خصوصا انها ماخبرت حد بهالشي غيري انا .
كيف اتعامل مع هالمشكله ,,,,اللي صار ان علاقتي بزوجي صارت افضل عن قبل حسيت عمري ان كبرت و وعيت وصرت اقدر استوعبه اكثر ….وبديت احس اني ناجحه فحياتي معاه خصوصا انه صار وانصدمت انه عنده ارقام بنات فتليفونه واقنعني بطريقته انهم متبلين علينا وانهم من طرف خطيبته السابقه واقتنعت بكلامه ومرت فترة طويله لين قبل فترة فتحت تلفونه وانصمت انه عنده بنات يكلمهم والله لو تشوفوني الله يعلم شو كنت احس كلامه اسلوبه والله انه معاهم مثل العاشق وكلامه كله غزل وانا زوجته اخر مره سمعت منه هالكلام في شهر العسل ..ماعرفت شسوي دخل علي وشافني فالبداية عصب وثار اني كيف تجرأت افتح تلفونه بدون اذنه ويوم حس انه مافي فايده قام يخربط ويعتذر والله اني لفترة ماحسيت بنفسي حسيت اني ما اقدر اشوف ولا اسمع حسيت ان حواسي كلها توقفت تميت اطالعه و هو يتكلم وانا ساكته كأني مافهم ، خليته يتكلم وقعدت اتنافض بدون ما احس وبعدها دخلت حمامي وبديت اكسر واصيح واصارخ لين دوخت واذكر انه كان يدق الباب علي ومافتحت….مرت ساعات وبعدها وعيت وطلعت لقيته يترياني عالباب …يا بنات انا للحين ماتكلمت معاه ولا كلمه بس ساكته واصيح …للحين مش مستوعبه توني اللحين فهمت ان كل البنات اللي كانوا عنده مش من خطيبته الماضيه كانوا ربيعاته وطول الوقت بس افكر وما اتكلم حاول يتكلم معاي اكثر من مرة بس انا احس اني مو مستعدة و اول كلمه بيتكون على لساني ابي ارجع بيت اهلي وطلقني ….بس ارجع وافكر بولدي وارد افكر بمصيبتي …..شو اسوي كيف اتعامل مع نفسي ومع زوجي احس اني صرت مثل الميانين وضاع مني العقل.ونفس الوقت انا مب قادرة اتقبله والله اني حتى ما اكره صرت احس بلوعه يوم يحاول يكلمني احسه انسان وصخ ومستحيل اعيش معاه يوم زيادة…ساعدوني
الله يعينج ويهديه
الله المستعاان .. حبيبتي الحينه انتي معصبه وفي حاال ماا تقدرين تتخذين فيه قراار سليم
اصبري الين تهدين و فكري برويه وحكمه فديتج
لكن صحتج هي اهم شي ..
الحينه اغلب الرياييل الله يهديهم مااشين بطريج العلاااقات بالفوون وهالسواالف
لكن نصيحه لا تخربين بيتج من نزوة وكبري عقلج وخليج انتي العااقله
شوفي شخصيه ريلج واتبعي معااه الاسلوب الي ينااسبه .. هل هو الحواار والموااجه
او التطنيش و التجااهل ؟
وماالج الا اللجوء لرب الهاالمين والدعااء له بالهداايه والاستغفاار ^^
الله يسخره لدينه ولج ويسعدج ياارب
بصراحه ماعرف شو اقولج ,,, يعني لا تعليق ,, لان كسر الثقة شي جدا صعب خصه اذا كان من ناس قراب عليج …
خذي وقتج فالتفكير في وضعج و لا تستعيلين فاي قرار حاليا لانه بيكون قرار نابع من مصدر عاطفي مش بالعقل
و الله يعينج يالغاليه
لا تفكرين بالطلاق
واجعلي الطلاق اخر حلولج
ما في رجل ما يغلط
ولا تخسرين بيتج عسب بنات الشوارع
الموقف الان من صالحج وانتي ادرى بمفاتيح ريلج
اكسبي الجولة وحياتج وبيتج
وهذي ما الا نزوة رجل
اهتمي بعمرج وحبي نفسج قدسيها
الريال يحب يركض ورى زوجته مب هي اللي تركض وراه
لاحو ولا قة الا بالله…
حبووبة هدي شوي وممكن اترووحيين بيت هلج كم يووم عشاااان نفسييتج ترتااح…
وانتبهي كم يووم وعشاان النفسية مب اترووحيين وماترديين..
طلعي من باالج فكرة الطلااق هاي مب حل لكل المشااكل..
انتب احيين موبرووحج عندج ولد..
لاتسويين شي الا لما تستخيييري..
وانا من رااي تهديين كم يووم وتيلسيين معااه وبهدوووء تتفااهموون وتساليينه انا بشوو مقصرة ومن هلكلاام عشاان تحسسيه بتانييب الضميير..
حبوبة مافييه شي افظل من الدعااء..
لاتهدي من احببت ولكن الله يهدي من يشااء..
ادعييلة بالهدااية وان ربي يسخرة لج ولبييتج..
اكثري من الاستغفاار وقيام الليل والدعااءولا تنسي الصدقة..
وربي بيهدييه لج ان شااء الله ..
للرفع