انا حامل !!! يتني حاله غريبة !!! والسبب صدمنى !!!

حبيت بهاي التجربة انكم تستفيدون من الصار لي خص اذا كنتي حامل لان فعلا كنت واصله لمرحله محد يعلم فيها الا رب العالمين

بنات انا حامل في الشهر الخامس كانت تيني حالة ضيق نفس وها متعوده عليه في حملي الاول بدت الحاله ف اول الرابع بعد فترة قمت اقوم من النوم مثل المفزوعه وقلبي يدق وايد وانتفض وضيق نفس وخوف في البداية كنت اقوم مرتين في الليلة عقب زادت الحاله صرت اقوم بنفس الحال بس اربع او خمس مرات بعد اسبوعين من هاي الحاله صابني ارهاق وتعب وجسمي يعورني لاني ما ارقد فليل ولان عندي ولد بو سنتين واوديه الحضانه وطول اليوم معاه ما كنت ارقد ف النهار

الحاله تيني في الليل اكثر شي تفاقم الموضوع صرت ارقد بس ساعه او ساعتين صرت اكره الليل والظلام بسبب الحاله وزادت تحول الموضوع مرض نفسي صرت اخاف ابند اليتات صرت اخاف اسكر الباب صرت اخاف اطلع فليل اخاف اسكر باب الحمام صرت اخاف اتسبح كل يوم اخاف من شي في بداية الشهر الخامس للحمل كنت خلاص واصل الموضوع اني اخاف من الاكل عشت ايام محد عاشها يوم اشتكيت لاختى يزاها الله خير قالت عليج بالصلاة والاذكار والدعاء والحمدلله كنت اسوي كل ها خف الخوف وراح مني وبديت استرجع شبة من حياتي العادية بس مازالت الحاله الا تيني ف الليل ترجع لي وما ارقد

بعد معاناه مع هاي الحاله وقبل يوم عرفة بيوم كنت ادعي ان الله يشفيني ويفرج كربتيه وسبحان الله الساعه ثامن المساء طلعت وسرت حق دكتورتي الخاصة ومن شافت ويهي قالت شو فيج من شهر ما شفتج ليش شكلج تعبان شكيت الها الحال ومن صكت صدمتني بسبب الا ما كنت اتوقعه

قالت لي ها نقص فيتامين المغنيسيوم او فيتامين E  

ما كنت مووووول متوقعه انه نقص فيتامين بالمره ولا حطيت ف بالي موووول

والحمدلله عطتني فيتامين اكله وعطتني حبوب من نفس الفيتامين احطها تحت اللسان قبل النوم تساعد علي انها تهديني وسبحان الله من اول يوم رت ولا قمت الا مره للحمام عزكم الله

علي ان سرت الكورنيش كان موعديه وخبرتهم بالموضوع ولا لقيت منهم اي اهتمام ولا حتى تعليق علي الموضوع

انا فكرت حاله نفسيه او عين او شي ثاني

ما كنت اعرف ان سبب الحاله نص فيتامين

هاي تجربتي وما اتمنا حد يمر فيها ابدا

وانا حاضره لاي استفسار  

الف حمدالله عسلامتج وان شاء تقومين بالسلامه وتشوفين البيبي بصحه وعافيه

وفعلا أي حد في مكانج كان بيتوقع أنه شي نفسي أو عين