هلا بنات اشحالكم انا اموت في الهريس وما اعرف اسوي ممكن تدلوني على مطعم يسوي ويكون لذيذ ونظيف في الشارجة او دبي لانه يخطر في بالي كل فترة ولا تقولون سوي في البيت لانه ما عندي الجهاز ومشكورات مقدما
هلا الغالية انا بعد اموووووت فيه إحنا دوم انسويه بالتنور ويطلع روعه والحين الناس اتسويه بالكويكر فوق الغاز اسألي عن الطريقة تراها سهلة
اختي في الشارجة شوفي مطبخ خالد حرية
وفي دبي بصراحة ما اعرف بس اسألي في المطابخ الشعبية اكيد بتحصلين
وهذي اسهل طريقة لعمل الهريس
الــمـكــونــات :
*لــحـم أو دجـــاج,,,,,,,مــلــح ,,,,,,,,,حــب هــريــس
والـــمـــاء طــبــعــاً
اغــسـلـي الــدجــاج او اللـحـم جــيــداً,,,,,,,,وحــب الــهـريــس
لازم يــكـون منـقـوع بالــمــاء بـفـتــرة طـويــلـة,,,,,,
بــعــديــن حــطــي الــمــاء واللــحــم أو الـدجـــاج
والـمــلــح عــلــى الــنــار حــتــى يــغـلـي,,,,,,مــع
*
ازالــة الــشــوائــب,,,كــلــمــا ظــهــرت,,,,,,أضيفــي
*
حـب الــهــريــس,,,,,,,,مـــع تــحــريــكــه ,,,,,,
وعــلـى نـــار هــادئــة اتــركــيــه يتســكّـــر ,,,,,,,,,
وبــعــديــن اضـربيــه بالــمــضـرب الــعــادي أو الــكــهــربـائــي
الــخــاص بالــهــريــس,,,,,,,اغــرفيــه وضــعــي عـــلـــى
الـوجــه السمن العربي
وان شــاء الله تــكــون الــطــريـقـة ســهــلــة ومــفــهــومــة
يمي يمي
اشتهيت الهريس
وتوني كنت أشوف الصور
شوفوا هالصورة هريس بيت ^____^
لذيييييييييييييييذ
للرفع
الغالية ماشي أسهل من الهريس
أنا أسوي باللحم أو الدجاج
أول شي اطبخي الدجاج أو اللحم في ماي فيه هال و ملح ((( ليش أخلي الهال ؟؟؟ عسب يخوز الريحة من الدجاج او اللحم )))
و عقب شيلي الرغوة اللي تطلع من الدجاج أو اللحم
و قبل النضوج التام للحم أو الدجاج ضيفي حب الهريس المنقوع في الماي ..(( طبعا لازم ينقع حب الهريس في الماي مدة لا تقل عن 4 ساعات ))
و غطيه بالقصدير و عقب حطي فوقه الغطاء و فوق الغطا حطي حصى كبيرة بس عسب تعمل عمل الجدر الضغط اذا ما عندج …
خلي الهريس يطبخ ع نار هادية مدة 3 ساعات ,,, و عقب اكشفي عنه و اذا شفتي حب الهريس استوى امسكي الملاس أو أي شي خاشوقة كبيرة المهم تمي ضربيه لين يتسوي و كون الهريس أملس …..
و عقب غرفيه و حطي عليه سمن و اتذوقيه و عليج بالعافية
^ــــــــــ^
المشاركة الأصلية كتبت بواسطة 4 فصول 
هلا اختي الهريس ما يحتاج جهاز
بس اذا عندج القدر طنجره اللي تضغط بقوه
طريقتي اغسل حب هريس
واغسل اللحم واحطه في الطنجره ومعاه ملح
اتم شوي لين احسه بينضج
احط معاه حب الهريس واغلق الطنجره زين
شوي وشوي احركه
من اشوفه نضج حب الهريس اشيل المعلقه واهرسه
وحطي عليه سمن عربي يم يم