السلام عليكم ورحمه الله وبركاته
شحااالكم حبيباتي عساكن بخير وبصحه الله يسهل لكل حامل حملها ويرزق الباقين الذريه الصالحه اميييين
اليوم سرت موعدي بالعيادة حق الحمل وجي .. دخلت عند الدكتورة عافانا الله بدال ما ترفع معنوياتي يالست تروعني
اول شي قالتلي انتي مستحيل بالاسبوع 29 شكلج اصلا الاسبوع 19 ورقدتني على الشبريه ويلست تقيس الرحم وتشوف عيوني وتقولي ابلع ريقج .. اول مره اشوف هل الدكتورة اللي قبلها وايد روووعه وفنانه
المهيم قالتلي بتأكد بالاشعه الصوتيه على الجنين كيفه الحينه >>>> على فكره تبا بالقوة تخلي بولدي حبيبي شي الله يسامحها
عقب سرت الغرفه الاشعه الصوتيه وياليتني مارحت فعصوا بطني تفعيص لين ما عورتني بس ما تكلمت وحليلي يلست صابره
قالو كل شي اوكيه وحجمه زين كيلو ونص مناسب لشهر السابع ،، بس في الاخير يت دكتورة ثانيه قالت اونه بالمثانه الجنين متجمع بول
بنااات منو مر بهل الحاله ولا سمع بها انا واااااايد خايفه اخاف يستوي لولدي شي
ابا اتأكد واسير دكتورة ثانيه بدال هل الخربوطيين
شي عياده خاصه ببوظبي ادخلها بسرعه بدون ما اتريا شهر لاني على اعصابي
هلب مي بلييييييييييز
محد رد علي ><
ماعندي فكرة ..
الله يعينج ويسهل عليج
وان شاء الله يكون كلامهم غلط ..
يزاج الله كل الخير حبيبتي مرافئ الصمت على ردج ودعوتج
ما اعرف الغاليه بس الله يسهل عليج
بس انا دوم في حملي تكون كرشتي اصغيره
وبعد في اول حمل لي بهدلوني وما تم فحص ما سووه لي وبالنهايه الحمدلله كل الامور تمام
للرفع
اب اب