امتحان القبول في مدرسة الامارات الوطنية ؟

بنات الي مسجله بنتها او ولدها في الامارات الوطنية فرع المصفح سويتوا المقابله ولا لا ؟
هم قالولنا عقب ما قدمت طلب الالتحاق انهم بيتصلون عشان المقابله قالوا بسونها عقب 15/4 وانا سجلته اول شهر 4 بس الغريب في الموضوع اني كنت ادقلهم من يومين يقولون اتريي نحن بنتصل فيج خلال هذا الاسبوع خلص الاسبوع وما دقو عليه وقمت انا ودقيت عليهم اليوم وردت عليه السكرتيره سألتها متى بتقابلون ولديه او اذا فيه موعد محدد خبريني قالتلي ((ما في مشكله هاتيه اليوم ؟قلتلها كيف ايبه اليوم وانتوا قايلين نحن بندق عليج قالتلي والله نحن مزحومين كتير)) المهم قمت وسرت اول ما وصلت قالولي عندج مقابله قلتلهم هيه وتريت يمكن عشر دقايق وعقبها دخلت عند وحده مواطنه هيه الي تسوي الامتحان وتوقعوا شوه سئلت ولديه قالتله شوه اسمك ؟ وعطته ورقه فيها الالوان وسألته عنهن قال لها yallow and green بس هذا اللونين واسمه يمكن ما خذ الموضوع دقيقتين والله العظيم ؟ بس انا الي مستغربتنه ان عيال عمي في نفس المدرسه وكانت امهم تقول امتحان القبول عباره عن4 station كل واحد يختلف عن الثاني وتكون فيه لجنه بالعربي والانجليزي ؟ بليييييييييييز الي عندها حد ومتحن هذا الاسبوع او الي قبله اتخبرني شوه كان امتحانه.