صباح الخير
خواتي عندي ربيعتي اجنبية ياية زيارة من برع للامارات
فيزة سياحة لمدة اسبوع فقط وتبي تعرف عن اماكن سياحية فالبلاد ؟!
تقول هلها قبل ياين عن طريق شركات سياحية ما استانسو بس ودوهم سفاري و ومول و متحف ونصحوها تسوي حق عمرها جدول و بروحها تنظم طلعاتها ..
بتسكن ف دبي عند ربيعاتهاموظفات فشقة
مواصلات قالت بتأجر
مطاعم و الاكلات قالت ماتبي تجرب فاست فود تقول وايد سمعت اكلاتكم الدسمة لذيذة ف تبي تجرب اكلات الشعبية و عالمية عندنا ههههه
ابا اعرف فكل امارة مكان سياحي اذا ممكن بيلز
اتريا الرد الله يحفظكم
بكتبلج بعض الأشيا وتشوف شو الأشيا الي تناسبها هي وقروبها ،، وتشوف مواقعهم اكثر
أبوظبي
قصر الإمارات
عالم فيراري
الجزر الي فيها السعديات ، صير بني ياس ، الفطيسي والمايا
دبي
المولات : دبي مول فيه التزحلق على الثلج والنافورة الراقصه واطول برج في العالم واذا حبت تدخله في تذاكر دخول اسمه
the top
وفندق ارماني في البرج
وفي مطعم في دبي مول اسمه المكان مطعم اماراتي ولبناني يعني المنيو الي عندهم
منطقة جميرا من فنادقها ومولاتها ماشالله كلها حلوه
جزيرة النخله من عجايب الدنيا والفنادق احلى واحلى زعبيل سراي نظاما لقصور التركية واتلانتس هذا نسخه من اتلانتس الي في امريكا ويا الحديقه المائية
واذا القرية العالمية بتكون فاتحه او لا وهي بتسكر اخر ثلاثه
اذا بغت رحلات سفاري
المطعم الثلجي
مطعم كراميل في DIFC
ومطعم الفنر الإماراتي في فستفال كله اكلات شعبية
والفجيرة مناطقة جبلية وفي رحلات غوص ورحلات بحرية
وانشالله بحاول اكتبلج اشيا اكثر
دبي : غير المولات عندج رحلات بحرية مع بوفيه عشآ .. بتلقينهم فمرسى دبي فستيفال ..
سيراميك كافيه في الفيستيفال تاخذلها تذكار هيه تسويه ~
فندق اتلاتنس : تدخل عرض الدلافين ، والجديقة المآئية ..
دبي اكواريوم في دبي مول ..
الشآرجه : واجهة المجآز ، القصبا تجنن في هالأوقات ، السوق المركزي اذا حبت تاخذلها شي ..
دبي : غير المولات عندج رحلات بحرية مع بوفيه عشآ .. بتلقينهم فمرسى دبي فستيفال ..
سيراميك كافيه في الفيستيفال تاخذلها تذكار هيه تسويه ~
فندق اتلاتنس : تدخل عرض الدلافين ، والجديقة المآئية ..
دبي اكواريوم في دبي مول ..
الشآرجه : واجهة المجآز ، القصبا تجنن في هالأوقات ، السوق المركزي اذا حبت تاخذلها شي ..
هل تريد راحة البال"وانشراح الصدر وسكينة النفس وطمأنينة القلب والمتاع الحسن ؟
عليك بالاستغفار: {اسْتَغْفِرُوا رَبَّكُمْ ثُمَّ تُوبُوا إِلَيْهِ يُمَتِّعْكُمْ مَتَاعاً }
ms.goldy
$asamy
الله يعطيكم الف عافية يالسة ارتب لا الجدول اتريا نصايح واقتراحات فديتكم
وام شخوو123 تسلمين ع رفع
الله يحفظكم
و السموحة من اليميع تعبتكم معاي
دبي كلها حلوه ربي يسعدكم ويسر امركم