السلام عليكم ورحمه الله وبركاته
انا تعبت من بحث من موقع الي موقع وكل مدونة وكل وحده تقول شيء.gif "12 (22)")
وانا بجد تعبت وحرة كثير.gif "12 (46)")
يعني ياريت من فضل المتزوجات الي مروا بهل الفترة يقولونا
شو حطوا بشنطة شهر العسل الي تخصهوم وكل وحده باذن الله
حتفيدني وحتفيد العرايس الجدد.gif "12 (101)")
وبارك الله فيكم مقدما
الله يتمم لج كل شي ع خير .. ويوفقج في حياتج اليديده ويسعدج
انا بعد ابى اعرف شو احط ف شنطة السفر وشو الاغراض الي اخذها معاي
مووووفقه حبيبتي
السلام عليكم و رحمة الله وبركاتة.
الف مبروك مقدما
اولا يعتمد علا طبيعة البلاد اللي بتروحون لها حر او برد
ويعتمد علا المدة الزمنية
ويعتمد اذا بتتنقلون وايد ولا يعني عدد المناطق او الدول
اذا برد اهم شي الثيرمال ها يبيعونة في ماركس وسبنسر ينلبس تحت اي لبس وايد ينفع للاماكن الباردة يحافظ علا حرارة الجسم وما يدخل البرودة
وجاكيت طويل وشالين وقفاز
لكل يوم قميص جديد بما انج عروس البناطلين مو مشكلة أبدا الجينزات ما وتنعرف لو كررتيها
جوتي مريح للمشي يفضل البوت او رياضي البرد ما يساعد للكعب الا اذا كنتي متعودة عليه
ادواتج الخاصة في القواطيالصغيرة من دايسو او الجمعية تعبينهم شامبو وجل للجسم وكريم للجسم وسبري للجسم افضل ماركة باث اند بودي وورك عنهم أحجام صغيرة للسفر وما تاخذ حيز ووزن ،، وادوات ازالة الشعر اللي متعودة عليه عن تجربة أبيب قواطي السيت للعطور تكون يابسة واحط هالاشياء عشان اذا لا سمح الله تبطل شي ما يخرب الثياب وعقب تلصقينة
يستحسن ما تشفين ذهبج ولا ألاشياء الثمينة أنا اشل الاكسسوارات والتوك وساعتين ذهبية وفضية في قوطي بعد عشان ما تتكسر التوك
وملابس داخلية وملابس النوم طبعا لإنج عروس لازم تنوعين ممكن تستغنين عن اغراض الرهبة وتشترين من برع او ان تشلين من أغراضج
استشوارج الخاص
طقمين شيل وعبي و2 سادة انتي حددي الكمية علا حسب المدة
وبس
*
ماعندي اي فكــره انشالله البنات بيساعدنــا…
بالتوفيق