سلامي لجميع الامهات الي يحبن السفر ومايقدرن يخلن عيالهن …
اول مرة اسافر مع ولدي الي عمره 9 شهور تقريبا
لندن… وهالفترة عز البرد
عندي سؤالين : الاول بخصوص الاكل؟ شو اسوي؟ اخذ جدره والخلاط واحضرله وجبات الخضار والعيش ماله
ولا اعتمد عالمعلب والبسكويت والسيريلاك؟
حرام اخاف مايطيع ياكل،، وهو اصلا صعب فالاكل!!
وبالنسبة للبس،، ماخليت جاكيتات وطواقي وقفازات وزلاغات وقمصان صوف ماخذتها،، بس ماعرف كيف البسه وكم طبقه؟؟ اخاف افطسه من كثر الثياب ولا اقصر فيه ويبرد؟؟
صدق الي عندها خبرة وتجربه لاتقصر فيني
تشرحلي بالتفصيل الممل
اتريا ردودكم
هلا حبيبتي
بالنسبه للأكل ولنه ولدج بعده صغير أنصحج تأخذي له اكل من هني وتاخذين زياده بعد والحليب لا تنسينه …. وبعد خذي الخلاط مال الأكل وهناك طبعا بتحصلين الخضره والفواكه وتقدرين تسويله اكله ….
ويوم يتطلعون مكان اذا كان الجو عادي خذي وياج جاكيت احتياط لنا ما تضمنين جو اوروبا وايد متقلب وحذي وياج بوكسات مال الأكل للبيبي
ونصيحه بعد قبل لا تطلعين تأكدي ان البامبرز نظيف وان الولد شبعان عدل يعني اكليه قبل لا تطلعين واذا حس بيوع ترى بيرضع وهذا السن احلى سن لسفر الاطفال بيكون راقد معظم الوقت لنه بيكون في العربانه وبعدين بيكون يفهم شويه ……
وسفره موفقه حياتي
بالتوفيق
نصيحة اشتري اغراضج من هنيه وحسب المدة لي رايحتنها
وشلي اللبس معاج حق حسب المدة الي بتمين فيها
هالفترة لندن بررررررررررررررررررد موت
وبعد اهم شيء العربانه تكون عمليه وتاخذين كفر المطر لتجنب الهواا البارد عالياهل وتجنب المطر الغزير
امطارهم فجأة تي وفجأه توقف
وادويته كلها خذيها معاج
الله يحفظكم يارب
مثل ما قالن الخوات الادوية والثياب كثري منها والعربانة بعد مع غطاها..
شكرا لكل الي ردوا علي
شو البسه بالضبط؟
ملابس داخلية واوفرول مثلا وفوقه لبس الطلعة واشل بعد الجاكيت؟؟