السلام عليكم ورحمة الله وبركاته
شحالكن خواتي عساكن بخير
دخيلكن بنات أنا محتاره وايد
ارجوكن لا تجرحوني برمستكن
أنا عمري 20 سنه
احب واحد بس هو متزوج وهو يحبني
أنا ابيه لأنه ريال محافظ على صلاته وقرأنه
وطيب حبوب منطقي وايد
احب تفكيره وعقليته
المشكله اخاف اتزوج واحد متزوج مع اني ابيه لانهملتزم
مرته موافقه
عادي عندها
بس مادري
هو خطبني ولما الوالد رفضه تم يتصل ومارديت عليه اشهر
لين يوم اليمعه رديت عليه قلتله شو تبا
وحاول يقنعني مره ثانيه بموضوع الزواج
يحبني وايد بس بعداخاف
أنا استخرت ماحسيت بشي
شورن عليه
الي بتجرح بالرمسه دخيلها توفر على عمرهاولا ترد
أنا محتاجه مساعده منكن محتاجه شور الحكيمات
ويعطيكن العافيه
…
هالنك لربيعيتي وانا تراني مواطنه
بليز ساعدوني
هلا حبيبتي …
استخيري مره ثانيه واللي فيه الخير يقدمه ربنا …
الله ييسر امورك غاليتي …
اختي انتي بعدج صغيرة والعمر يدامج وهذا معرس دام اهو ملتزم كيف هان عليه انه ايرمسج من ورا اهلج
دامج استخرتي وما حسيتي بشي واهلج مب راضين هاذي اشارة ولازم اتفكرين في عقلج اكثر من قلبج .,.
السموحة اختي ,.,
انتي صغيرة شو يجبرج تاخذين واحد معرس ،، ان شاء الله بييج احسن منه
عموما انتي تقدرين تعيشين مع ريال يوم معاج ويوم مع غيرج
تقدرين تتحملين تعيشين مع واحد ممكن وااااايد اشيا يشغله عنج وانتي عروس مثل يهال وزوجة ثانية
اذا انتي راضيه الله يوفقج
سؤال : كيف عرفتي ان حرمته الاولى موافقة !!!!
اختي الحب الحينه مب كل شي في الحياه ،،
هذا تفكيرج الحينه وتفكيره ،،
انتي اول شي استخيري ،، واحكمي بعقلج
اول تأكدي منها ان راضيه ،،
وتكون في شروط من البدايه لو وافقتي
مهما تكون الزوجه الأولى راضيه تستوي الغيره والمشاكل
ويمكن اهله يرفضون ،، ووايد من الأهل يتمون واقفين ويا الزوجه الأولى
الأحسن تاخذين انسان يكون ملكج روحج محد يشاركج فيه تسيرين وتردين وتطلعين وتزعلين عليه وما في غيرج عنده لكن الأنسان المتزوج عند التزاماته وعياله وزوجته الثانيه
مثل ما انتي محتاجه تطلعين هم بعد
تبين تسافرين هم بعد
تبين بيت ويبون بيت
يبون ابوهم وعيالج يبون ابوهم
صعب اذا هو انسان ما بيقدر يوفق بين كل هالاشيا عقب العرس مب اول سنه ولا سنتين فيها عيال وعشره ومشاكل
انصحج تفكرين في الموضوع بعمق وبنظره مستقبليه
واهلج اذا كان رافضين وانتي تميتي تقنعينهم انج تبين ،، عقب لا سمح الله اي شي بيستويلج او طلاق بيقولون انتي بغيتيه انتي تتحملين
ان شاء الله خواتي
صح كلامكن
لما اهلي رفضوه ومارديت عليه اشهر كنت اقول الحمدلله ان اهلي رفضو
بس لما رمسته يوم اليمعه حنيت
الله يقدم الي فيه الخير
اول مره اشوف ملتزم مسوي علاقه مع بنت و يخون حرمته
حبيبتي اللي خان حرمته معاج بيخونج مع غيرج فكري
فكري لاتمشين معاه بعواطفج