حد قد سار اليابان نفسي اعرف عنها كم ساعة الطيارة وشو جوها والشوه حلو للسياحة وهل تنفع للعائلات وهل هي غاليه ؟؟وشو احسن شهور السنه للرحلة الى اليابان ؟؟
هلا اختي ..
ربيعتي سارتها مرتين ماشاء الله وااااااااااااااايد تمدحها ..طبعا شعبها وااايد محترررررم ويحترم السواح وايد
اللي اعرفه ان اليابانيين مايشجعون السياح ايونها من نص شهر 6 لان الجو يبدا يكون ممطر وابدا مايناسب السياحه
وهي شوي غاليه على حسب السكن اللي انتي تبينه تقريبا الليله الوحدة يكون سعرها 1800 درهم..في بعض الفنادق
بس بعد ادخلي منتدى العرب المسافرون ……وشوفي تقارير اللي سافروا اليابان
نسيت اقولج تقريبا الرحلة تكون بحدود 11 ساعة
الغاليه الدرب بالطياره 8 ساعات و نص في السيره
و في الرده 11 ساعه
افضل اوقات السفر لليابان شهر 3 و 4 و 5 (الربيع)
و شهر 9 و 10 و 11 (الخريف)
في الصيف وايد وايد حر ما تنطاق لانه كل الاماكن السياحيه مفتوحه يعني بتمشون و ما انصح ابدا ابدا.
و في الشتاء برد وايد ما تنفع لليهال لنفس السبب اللي فوق…
همممم
بخصوص الاماكن السياحيه وايد بس اغلبها معابد و قصور جديمه
و الترفيه شي عندهم حديقة ديزني توكيو لاند في توكيو
و في اوساكا شي عندهم يونيفرسال ستوديوز
الشوبينغ غالي وايد بس تحصلين اسعار معقوله في بعض الاماكن و يباله شطاره شويه
السكن غالي بس تحصلين رخيص
الرخيصه يسمونها ايكونوميك روومز و تكون صغييره وايد هههههه كومباكت
و اي سؤال ممكن تراسليني على الخاص لو حابه
اللهم انى اصبحت اشهدك واشهد حملت عرشك وملائكتك وجميع خلقك بانك انت الله لا اله الا انت وان محمدا عبدك ورسولك
جزاكم الله خير بس ما احب الرحلات الي وايد طويله عذاب مشكوررررين يا حلويين*
