السلام عليكم ورحمه الله وبركاته
شحالكن خواتي
اليوم يايبتلكم موضوع صدق مقهووووووووره منه وخاطري اعرف شي واحد بس
البنات فالكليات او الجامعات وحتى اللي يداومن ( طبعا مب الكل) انا قصدي اللي من ورا اهلهن شي ومن جدامهم شي ثاني
قصدي اللبس والميكب
يابنات والله اني جفت بعيني كمن بنت فالكليه راسها ماتلمسه الشيله ابدا جدام اساتذه ولا اي ريال بس تعالي جوفيها يوم بتظهر بتروح البيت تقولين شريفه مكه .. وين الاهل .. وين التربيه .. حتى الاجانب قامو يتشمتون فينا ويقولون البنات بس يتحجبون من المواطنين ولا نحن لا
بس ابا اوصل معلومه لكل وحده جي وبقوللها __ ( ترى الله فوق وخافي ربج يوم القيامه بيسحبونج من كل خصله كنتي مظهرتنها عمدآ فما بالج بالشعر كله برع وفل ميكب ) __
ابا تفاعلكن خواتي فالموضوع واللي عندها قصص تخبرنا عنهن
والله يهدي الجميع
الله يهديهن يارب
أهم بيتحاسبو ع هالشي
عن ابي حذيفه رضي الله عنه -عن الرسول صلي الله عليه وسلم قال(والذي نفسي بيده لتأمرن بالمعروف ولتنهون عن المنكر اوليوشكن الله ان يبعث عليكم عقابا منه ثم تدعونه فلا يستجاب لكم)
رواه الترمذي وقال حديث حسن
صدقج والله انيه يوم سرت شفت البنات عادي جنه الهندي مو ريال ولا الفلبيني واللي ايصلحون الليتات وعاد الاستاذ عاد صدق هاي مو رياااااااااااال
الوقايه طايحه والدنيا بخير بس بصراحه انيه استانست شي بنات والنعم فيهن اللي بنقابها واللي وبوقايتها متحجبه عدل بصراحه بس الاغلبيه لا لللاسف والله يعين بناتي فديتهن كل ما افتكر الزمن اللي ياي اشلون بيحافظون على دينهم وسط هاي المغريات الله المستعان.
اللهم اهدى جميع ابناء المسلمين ااميين يا رب العالمين … اللهم اغفر لى و جميع المؤمنين و المؤمنات المسلمين و المسلمات الاحياء منهم و الاموات …
انا صارلي سنه متخرجه من الجامعه يعني لحقت ع اخر مناكر البنات .. اول مادشيت الجامعه والله ماشي هالمناكر الا من كم بنت ولا بويه بعد .. بس من ها الكم سنه الاخيره زادت المناكر ..
والله بنات عرب وقبايل معروفه سيري شوفي بلاويهم بالجامعه وشوفيهم كيف عند اهلهم !! اوكي دام جيه يعني معقوله يوم يظهرون من البيت للجامعه او الكليه مايشوفونهم اهلهم !!
اعرف بنتين من القبايل المعروفه من دخلت الجامعه هم وياي قبل محتشماات ولا يطلعون قصات .. عقب سنين او 3 وحده قصت شعرها قصيير وكله تعق شيلتها بالجامعه وعاادي عمال ودكاتره يمرون ولا تهتم وتلبس برمودا تقولين وااحد ومره شفتها بفستفال ستي العكس تماما بنيه وبأخر كشخه ..
وربيعتها الثانيه قوم عبايات حفله وقمبوعه وقصات وهالسوالف ومره شفتها بميغا مول متحجبه ومب حاطه مكياج !!
يعني الخوف من الاهل مب الله !! الله يهدي هالبنات ..
الله يهديهن
مشكورات خواتي
وانا عاد البويات مادانيهن موليه ولا اقرب صوبهن والله اني يوم اشوف بويه تلوع جبدي
عفانا الله
نتريا مشاركاتكم ^-^
هالاشكاااال شفتها عندي في الكليه
جداام الاستاذ مب متحجباات ولما يطلعووووووووووووووووووووون ولا شعرره ظاهرره
والله عجب