السلام عليكم
بنات سؤالي عشان حرمت اخوي
الولاده بعد القيصري تكون الولاده طبيعيه والا قيصريه وشو الاحسن بنظركم للي مسويه قيصريه قبل وشو المستشفيات اللي تصبر على الوحده في دبي سواء كان خاص او حكومي مع ذكر اسم الدكتوره لو سمحتوا
اختي اول ولادة قيصري بس الولادة الثانيه طبيعي الحمدلله
والدكتورة قالت لها انتي بتربين بعمليه بس سبحان الله ربت طبيعي
واعرف كذا وحده اول ولادة عمليه واللي بعده طبيعي
وعن مستشفيات دبي وحده خبرتني انها بتربي ف مستشفى الوصل وكانت تبا تربي طبيعي وقالت لهم اتريوا يمكن اولد طبيعي ما عطوها مجال … وما اعرف والله يمكن حالته ما كانت تسمح و سوولها عمليه …
الله يسهل عليها و تربي طبيعي باذن الله
اذا كانت الولادة الاولى قيصرية هي ما تحدد الثانية بمعنى الاولى اذا قيصرية ممكم تكون الثانية طبيعية او قيصرية
لكن اذا كانت الاولى والثانية قيصرية فالثالثة قيصرية اجبااااري
طبعا احسن انها تربي طبيعي في الثاني لان الطبيعي الم ساعات ويزووول لكن القيصري تقعد معاناة اشهر و يتم تحديد عدد الاطفال
والله انا اعرف وحدة ربت في مستشفى دبي الحمرية و صبروا عليها 3 ايام لين ربت طبيعي
حرمت أخوي ربت قيصريه وحليلها حملت في الأربعين وثاني ولاده سبحان الله كانت طبيعي
مع انه كان عندها التهاب بالعملية القبليه
ربي يسهل عليها وتربي طبيعي