الوقت الكافي لاشباع الطفل من الرضاعه الطبيعية

يا امهات يا حلوات
كم من الوقت تخلون عيالكم عالصدر عسب يشبعون
انا سمعت انه 10 دقايق او ربع ساعه كافيه
صح هالكلام ولا لازم نزيد
انا بنتي عمرها شهرين ومااتم اكثر من عشر دقايق ترضع

للـــــــــرفع

هلا
على حسب الياهل انا كان ولدي وايد يتعبني ارضعه تقريبا ساعة وفي مرات نصف ساعة انتي تحسين عليه يوم شبع

لا حرام عليج منو قالج هالرمسه
الياهل يرضع من 30 إلي 45 دقيقه على أقل تقدير مافي أوقات محدده للرضاعه
على حسب كل ياهل في يهال ياخذ ساعه وكل مارضع اكثر كل ما أستفاد وربى
لانه يوم يرضع يكون ماي أول الرضعه وكل ما طالت مدة الرضاعه يوصل للحليب ويكون كامل الدسم
ويستفيد الياهل من كل تدرج بالحليب من الماي للحليب القليل الدسم للحليب الكامل الدسم والدهون
ويوم أتي موعد الرضعه الثانيه أعطيه الصدر الثاني .

في البدايه يطولون ويوم يكبرون شويه يشبعون بسرعه لانه يرضعون بقوه لو تلاحظون …
وهو حسب الياهل شي يهال يشبعون بسرعه عادي مثلا عشر دقايق بس انتي جربي تحطينه على الصدر الثاني بنفس الوقت افضل ….

ما في وقت معين .. على حسب وايد عوامل :
– مخزون الحليب اللي في صدرج
– تدفق الحليب عندج (بطيئة أو سريعة)
– وضع البيبي على صدرج إذا كان صح أو غلط
– اذا كان البيبي من النوع اللي يسرح أو يدوخ وقت الرضاعة