مرحبا خواتي ..
نحن ناوين ان شاء الله نسير شهر العسل في نوفمبر النمسا والمانيا .. بس لما جيكت على درجات الحرارة في نوفمبر طلعن واااااايد منخفضات يعني زالامسي بتكون من 4 واقل فبيكون واااايد برد ..
وانا بصراحه متردده لأنه اخاف نسير وما نقدر نطلع من كثر البرد ولا نستانس .. فما ادري شو تشورون عليه نتوكل على الله ونسير والا نختار مكان ثاني ..
انا من راي تروحون مكان ثاني لان صدق وااايد برد واحس ما بتقدرون تطلعون من كثر البرد جوفي ماليزيا انا رحته جنه رووووووووووووووعه وبالتوفيق
اذا بتسيرون اوروبا شهر 11 الأرياف ما تنفع ^_^
يعني خليج على المدن شرات ميونخ وفينا وباريس ..
أما القرى والأرياف شرات زيلامسي ما تنفع لأن الجو يكون واايد باررد فيها وما بتستانسون وحلاتها في الصيف تشوفون الطبيعة
انا اقولج توكلوا على الله واختاروا فينا وميونخ وباريس وبتكون درجات الحرارة بين 5 و 11 تقريباً بس الأجواء حلوة ورومانسية عندهم في الشتا وبردهم ما يهيس العظام شرات بردنا لول
اهم شي تتدفون عدل وماعليكم شر ان شاء الله وبتستانسون ..
رحلة سعيدة مقدماً والله يتمم لج على خير
بالتوفيق
أم منصور : بصراحة ماليزيا من ضمن الاختيارات بس كنا نتشاور
الغر الحشيم : بصراحة شجعيتيني مع اني كنت واايد مترددة
بدر البدور: ويوفقج ان شاء الله