بنات سلااااامن عليكم … شحالكن ؟
عساكن بخير دوم ياارب ^_^
بناااات سؤال بسيط و صغيرون
بعد جم يوم بتكون النظرة الشرعية وبيينا الحبيب عسب يتمقل >_<
اللي اعرفه انه بيي ويا امه فيعني لازم اسلم عليها وجيه خاصه انها تعرفني من قبل
يعني أسلم عليها واعطيه طاف ؟؟ ×_×
ولا شو ؟؟ مجرد ما اتخيل اني ارمسه ولا حتى البسه قلبي يطيح بين ريولي وانا اصلا ما اصافح الرياييل
هاي اول نظرة شرعية بعيلتنا لأنه ممنوووووع بس مادري ليش هالمره وماعرف اتصرف >_<
شو اسوي ؟؟؟ استحي اسأل امايه و مسويه روحي عادي و كوول ^.^
الفزعه .. النجده =(
اللي اعرفه انج تسلمين وبس طبعا ماشي مصافح باليد …
وبعدين هو اكيد بيبدأ يسالج اساله عادية وبسسسسسسسسسس
اذا دخلتي قولي السلام عليكم وسلمي على امه بس واجلسي
<< ماسلمت عليه باليد لاقبل ولا بعد الملكه مد ايده ولا سلمت ويسال ولا جاوبت من الحياء
<< كله تفشله خخخخخخخخ 
لا لا ما قصدي اسلم باليد >_<
مستحيل اصافحه
انا قصدي السلام العادي
يعني تنصحوني اسويله طاااف خخخخخ
فديتتج بقولج طريقة احسن وهو الي يصير عندنا
ام المعرس يوم اتي طبعا ادخلوها ميلس الحريم والريال يسير صوب ميلس الريايل
بتكون فرصة تسلمين على امة وتكلمينها على راحتج عقب بيدخلون الريال الميلس عندكم
او انه يصير العكس .. امه تروح له ميلس الريايل وطبعا مافيه إلا ولدها وتقوله الحين بيدخلون البنت
عقبها بتدخلين اننتي وامج وخلج ودخلي وراها وسلمي بصوت واطيء ويلسي
إذا حلوووووو وعيبج طووووولي وقوليله ييدق على المليج إذا ماعيبج طلعي لووول << امزح
وفي شي بعد
يمكن امن السحا ماتشووووفينه عدل وعيونج كلها دموع من الربكة لوووول
فأحسن شي اول مايوصلون تاخذين لج زاويه في الدرايش الي طل ع الحوي او من فوق
دبرررررري عاد مادري كيف بيتكم لوووووول
ما ينفع ياختيه .. لأن امايه بتستقبلهم على طول للميلس الأمامي واظنيه ابويه بيشرد خخخخخ
يعني انا اللي بدش عليهم >_>
الله يستر