النظافة الشخصية

السلام عليكم والرحمه
انا عضوه يديده في المنتدى مع انى كنت قبل بس متطلعه على المشاركات واستفيد وكنت منحرجه انى اسرد مشكلتي بس الظاهر انه لازم اقول واشوف ردوكم
فيه وحده ممكن تتخيل ريلها يوم ينش من الرقاد ما يسغل ضروسه ولا يعرف شئ اسمه فرشاة ومعجون هذا ريلي
ممكن تتخيلين انك لو غبتي عن البيت يوم ورديتى البيت الاكل على الطاولة الملابس الرياضة فاصخنهم وحاطنهم على الكرسي
ممكن تتخيلين ريلج ما يفكر انه يفرك ريوله عقب كل ما يسبح
ممكن تتخلين ريل ريلج متشققه مثل ريل الخدامات
والله انه مهمله من الناحية الشخصية في كل شئ وصابره
والله علمته بس سبحان الله طبع فيه حتى اهله
والله الوحده يوم تفكر انه تتزوج اول شئ تسال انه يصلي وبعد والله تهتم بنظافته الشخصية
الله يكون في عوني

بصراحة ما اعرف شواقولج .. بس ييبيله هدية عبارة عن فرشاة اسنان ومعجون

والله يعينج

حاولي اتعودينه صدجيني بيتعود مع الوقت

بيني وبينج احسه عادي ..

خليج كووول الحياه حلوه

اووبس .. ماعرف شو أقوولج بس حاولي تعودينــــه
يعني قومي من الرقاد قوليله نسير نغسل أسناانا مع بعض ..
امممم .. مثلا عطي نصاايح عادي مافيها شي ..
قوليله أمثله مثلا قولليه أحب الريال النظيف . احب الريال اللي ريحته حلوه
اممم .. كل يوم دخنيه عطريه حلي يحس بقيمه النظافه

على سالفه الفوضى 90% من الرييايل جي البس وقط .. انتي زوجته عادي نظفي ورتبي

هذا ما يقلل من قيمتج ولا شي بالعكس بيستانس وبيفرح وانتي بعد بتستانسين من وناسته …

المشاركة الأصلية كتبت بواسطة الم امرآه

السلام عليكم والرحمه

وعليكم السلام ورحمة الله وبركاته

انا عضوه يديده في المنتدى مع انى كنت قبل بس متطلعه على المشاركات واستفيد وكنت منحرجه انى اسرد مشكلتي بس الظاهر انه لازم اقول واشوف ردوكم
فيه وحده ممكن تتخيل ريلها يوم ينش من الرقاد ما يسغل ضروسه ولا يعرف شئ اسمه فرشاة ومعجون هذا ريلي

اسمحيلى اختى بس واااايد ناس ما تغسل اسنانها الا مرة وحده في اليوم والعكس صحيح وبعد في ناس ما تغسل مول وبحس كلامج لانه مثل ما تربى
ممكن تتخيلين انك لو غبتي عن البيت يوم ورديتى البيت الاكل على الطاولة الملابس الرياضة فاصخنهم وحاطنهم على الكرسي

الشباب بطيعتهم فوضوين الاغلب الا من رحم ربي وناس منهم فوضوين بالقو ولا عليهم ابدا وهنيه ما عليج الا انج تضحكين وتلملمين وتنظفين .

ممكن تتخيلين ريلج ما يفكر انه يفرك ريوله عقب كل ما يسبح
ممكن تتخلين ريل ريلج متشققه مثل ريل الخدامات

من اللعب اكيد والمراكض واغلب الشباب مو الاغلب الاغلب بس مو يهتمون نفسنا نحن البنات يعنى لازم الريول ما تكون متشققه ومن هذه النواحى .

والله انه مهمله من الناحية الشخصية في كل شئ وصابره
والله علمته بس سبحان الله طبع فيه حتى اهله

ما اعرف بس احسج يديده فى الحياه الزوجيه

والله الوحده يوم تفكر انه تتزوج اول شئ تسال انه يصلي وبعد والله تهتم بنظافته الشخصية
الله يكون في عوني

عطوني حلول يمكن استفيد منها

اختى انا بكلمج بصراحه احسج وووايد مبالغه ويمكن انتى من النوع الى وووووووايد وسواسيه في النضافه انا ما اقول الاشياء الى قلتيها مو مهمه بس صراحه حسيت من كلامج انج وايد متجززه من الموضوع معنه الحلول في ايدج وممكن انج تحلينها بكل سهوله

مثلا الحين هو يوم يقوم من الرقاد ما يغسل اسنانه صح من كلامج احس انج مول ما صارحتيه لانه الموضوع ممكن يحرج الطرف الثانى صح انزين ليش اول ما تقومون من النوم

– تحطين معجون في فرشاته ومعجون في فرشاتج وتقوليله خض اليوم هديه سبشل يالله يلله خلنا نتفرش علشان بحطى الريوق واتفرشى انتى وياه حتى لو كنتى متفرشه وبالليل نفس الشي واصبرى لين شوى شوى يتعود ولا تعلمينه كيف يتفرش علشان هو اصلا انحرج من حركت انج حطيتى الفرشاه فيها معجون فاكيد بيفهم انه هذا الشي يضايقج منه وجى يعنى خليه على راحته .

اما بالنسبه للريول انه ما يفركها خلاص اول ما بي من الشغل كونى مجهزه ماى دافى وغسليله ريله وقوليله اليوم يلست مساج للريول ووبعد ما تغسلينها خليه يتغدا وبعد الغدا اكيد بيرقد وهو راقد امسحى بفازلين على ريوله بكميه خفيفه يوميا ولا تكثرين علشان اذا توضا لصلاة العصر ما يمنع الماى عن الريول .

اما بالنسبه للبيت قبل ما تطلعين لازم تكونين مجهزه سله ملابس ممكن تشترينها من اى مكان تكون مزينه ولا تبين انه اصلا سلة ملابس تحطينها فى الحجره وتخبرينه عنها وتقوليله بطريقه فيها مزح الرحمه من الملابس المفروره وهو بيفهم عليج وبيحطيها على داخل السله اما اذا ما فيه فايده من هذه الناحيه خلاص حاوريه باسلوب عنها وعن الاكل الى يتم واضن هذه المسأله اقل حرج من المسائل الباقيه صح ولا لاء والله يوفقج وييسر لج ان شاء الله .