بنات انا عرسي ان شاء الله شهر 6 أول اسبوع فسته
يعني باجي تقريباً أربع شهور ..
تصدقون للحين ما شريت شي مع اني مالجه من شهرين وهم مسلميني البيزات قبل الملجه بشهر أو أكثر
لكن عيازه مب طبيعيه
انا سويت جدول للمشتريات الي احتاجها لكن مب عارفه اسوي جدول للطلعات
المشكله اني اداوم الصبح واسكن فالمناطق الخارجيه فبوظبي يعني بينا وبين العاصمه بو نص ساعه فالسياره
وهاي هي سبب العيازه
اني ارد هلكانه من الدوام انام للمغرب ومستحيل اطلع المغرب
وفالويك اند يوم ممكن اطلع فيه / ويوم ريلي ييني ما اقدر اطلع ابد فيه
شو أسوي انقذوني علماً انا اسوق يعني ماعندي مشاكل في ان حد يبني ويوديني
شو الحل
><
موفقه والله ييسر أمورج
سبحان الله
ربي يبارك لج في زواجج
انا ما عندي خبرة في التجهيزات لاني موديل جديم شوي
بس انصحج تجدمين سوالف الخياييط من عبايا ومخاوير وفساتين
والباقي سهل أمره
وعن طريق المنتدى بتلاقين وايد تاجرات عندهن اشياء للعرايس بتوصلج للبيت
وربي يوفقج
الله ايسر امورج
❀ استغفر الله الذي لا اله الا هو الحي القيوم واتوب اليه❀
الحل انج تستوين شويه نشيطة وتدخلين ف الجد وتودرين عنج الرقاد شويه
اطلعي ف الاسبوع ع الاقل مرتين الى ثلاث مرات وان شاء الله بتخلصين مشترياتج