فديتكم مابطول عليكم بس بصراحه بييني الضغط والسبه الي فيني ..خواتي انا عندي عرس شهر ٦،،،،وعندي سوااد فظيع في رقبتي وعند كوع الايد من الداخل وين الانحناء……خواتي والله مابقا صابون مابقا صالون تنظيف بشره مابقت خلطه ماسويتها…انا بيضه بس عندي سواد رقبه ،،،خواتي الي تقدر تفيدني لاتبخل علي والله اني يوم يروح عني كل ها من المنطق اني اكون متذكره السبب الي خلا السواد يروح ويكون السبب الي يخليني اكون واثقه من نفسي مره ثانيه واكون داعيتلها ليل نهار لانها عطتني شي يساعدني اني اعيش والبس مثل باقي الناس مليت كله البس قمصان ام رقبه طويله خاطري البس كت او اي شي وانا واثقه من نفسي مو وانا خايفه الناس شو بتقول…..الله يخليكن ردوا علي الي كان عندها اماكن داكنه في جسمها وجربت خلطه معينه تقولي …ولا اذا في صابون معين استخدمه..واذا في فالمنتدى وحده تبيع خلطه مقشره للوجه والرقبه بسعر معقول… تسوي فيني خير …بلييييز اترياااكن
جربي محلول بيبي فيس رقم 3 .. يستخدم للجسم
ولوشن تبييض بيبي فيس بعد
تلقينه عند العطارين ممكن وفي بعض السوبرماركت
والله ماعرف ختيه
بس بدور لج وان شاء الله البنات يفيدوج بعد
الله يفرج همج ان شاالله وتفتكين من هالازمه ^__^
قبل اي كريم او خلطه تستعملينها انا انصحج تسيرين للجلديه وتعرضين مشكلتج للدكتور لان جيه لعلاج بيكون اامن شوي من الخلطات ولكريمات اللي ماتعرفين كيف بيكون تاثيرها الحين او على المدى البعيد….
شوفي يمدحون الحمام المغربي لهالشغلات فحاولي انج تواظبين على الحمام المغربي هذا اول شي وثاني شي حاولي كثر ماتقدرين انج ماتخلين هالمناطق تعرق يعني استمري بتنظيفها ووتقشيرها عسب ماتتراكم عندج الخلايا الميته واحرصي انج تخلينها طول الوقت متهويه لان على كثر لرطوبه اللي تصيبها تزيد نسبة السواد فيها …..
وانا سمعت عن كريم كابور ان واايد مفيد وتبيضه فعال بس احرصي على انج تاخذين الاصلي ….
واذا كنتي من راك سيري الصيدليه اللي في السفير مول عندهم كريم تبييض وااايد حلو انتي بس قوليله ابغي كريم تبييض وهو بعطيج لان واايد يمدحونه وعليه عرض هالفتره . قوطيه صغير وابيض وعليه صورة بنت للعلم فقط ….
اممممم هذا اللي عندي الحين وان شاالله اذا لقيت شي يخفف عنج السواد بقولج
الله يشافيج ان شاالله وتلبسين اللي خاطرج فيه بكل ثقه ^__^
استخدمي اسكنول الابيض حبيبتي وفركي ع رقبتج ولا تلبسين شي اسود اذا بتظهرين برع البسي هاي نك ابيض ع رقبتج وعقب البسي العباه لانه العباه هيه السبب الرئيسي في سواد الرقبه لانها تتعرض للشمس وتعرفين انه الشمس تجذب اللون الاسود وتسود وكل يوم استخدمي روب منتهي صلاحيته وفركي ليمون بعد ورطبي هالمكان دوووم حبي وان شاء الله راح تشوف النتيجه فتااااكه