مرحبا خواتي حبيت استفسر منكم اذا الحرقه والالم في الريل شي طبيعي ؟؟
انا حاليا في الرابع واحس بهالشي بطريقه خياليه ..وما اقدر ارقد من الالم والحرقه ؟؟
انا يتني حراره وما اقدر اشلهن من الارض واختي خوفتني وقالت مب زين روحي الدختر
انزين روحي احسلج لاتخلين عمرج
انا صارتلي من كم يوم لأني اشتغلت وايد ويلست انظف وارتب
ولما خلصت مشيت لين الحوي مارمت اوقف واذا يلست ألم وحرقة
كأني حاطة ريولي في نار
سرت الحجرة وتمددت ورفعت ريولي والحمدالله راح عني
واعتقد السبب من التعب والوقفة وإهمالي لحبوب الحديد والكالسيوم
ومن يومها وانا منتظمة عليهم
ام سلطان ..يزاج الله خير ع الرد … ان شااء الله براجع بس تدرين كله زحمه وزين يوم لقيت لي موعد …
عطر البنفسج .. اتعرفين انا في نفس اليوم اللي عورني فيه مشيت واايد ..يمكن المشي ايسوي جيه ..
يالله نبهتيني ع رفعة الريول سويتها بس شوي برد ارفعهن ان شاء الله ..بالنسبه للحبوب الحمدالله منتظمه ..بسشوي مهمله الحليب ما اشربه
المشاركة الأصلية كتبت بواسطة babymama_ 
لازم تشربين الحليب ضروري
أعرف الأغلبية يقولون الحليب يسوي غازات لا تشربينه بارد
فوريه مع هيل أو زعفران واشربيه
أنا كل يوم أحط لي دلة واشرب منه
يزاج الله خير ..ان شاء الله خلاص بلتزم فيه … بس احس مع هيل او زعفران واايد حار عالمعده ..
بسوي حركتج من اصبح بسوي لي دله ..
مشكووره