الموظفات الي عندهن خبره

يا بنات يا حلوت ..

شورايكم كل وحده منا تقول تجاربها اول ماتعينت (توظفت) وشو المواقف الي واجهتها وكيف اتصرفت ..
واباكم اتساعدوني في مشكلتي بعد عشان الكل يستفيد ويعرف يتصرف
,,,,,,,,,,,,,,,,,,,,,,,,

وبدا معاكم قصه مشواري وانا متعينه من شهرين بس

ولو اخبركم عني من اليوم الين باجر مابخلص وبقولها باختصار

انا عانيت سلمكم الله مع الموظف الي بيدربني ..للاسف ماكان متعاون ومايبى يدربني ..وكلامه عند المدير مسموع وطبعا اختكم المصون موظفه يديده ماتعرف شي ولا تفهم شي حتى اول ماتعينت محد سوالي ترحيب ولا حد عرفني على الشركه والموظفين ..
تميت مثل الانسان الضايع لمده شهرين.. واحبس نفسي بالمكتب واصييح الين مادموعي تخلص ,,,
حتى الموظفات البنات ولا وحده كانت ترمسني !!!!!!!!
الكل مايبى يعطيني ولو نص معلومه
وسرت كلمت المدير وماطلعت من عنده باي نتيجه !!
الحينه انا محتاره بيمر عليه الشهر الثالث ومحد طايع يعلمني الشغل شو الحل في رايكم ياللي تشتغلون ؟؟؟؟؟وحد منكن صادف نفس مشكلتي ؟؟؟؟؟؟؟
وعندي مشكله ثانيه ماعرف اتعامل مع الموظفين الرياييل..
ياريت اتساعدوني في هالشي,,,وكيف اقدر اغير اسلوبي..

شووفي الله يسلمج .. فيه موظفين يبون يعلمون بس ماعندهم وقت .. وفيه موظفين يخافون يعلمونج عشان عبالهم بتاخذين شغلهم ..
انتي حاولي وياهم .. بتحسن انه صعب بس تمي حاولي .. واذا ماعطوج فيس اقعدي بس راقبيهم شو يسوون خخخ استنذلي عليهم .. وخبري مسؤولج واذا ما سوالج سالفه .. خبري اللي اكبر منه ..
ولا تسكتين عن هالشي راويهم العين الحمرا .. صدقني والله من واقع تجربه

ومشكوورة على الرد فديتج ماقصرتي ..وانا اسوي نفس ماتقولين والله كريم والحمدالله انه الله طرش لي الفراش يا حليله هو قعد يعلمني كيف الشغل ويقولي اصبري وبتتعلمين…
سبحان الله شفتي منو يعلمني الفراش !!!!!!!!!!!!!!!
ومرسي كتير يا حلوة