المنهج البريطاني و المنهج الامريكي ساعدوا اختكم الصغيرة :)

اشحالكم ان شاء الله بخير يا حلوين
هذا مش اكاونتي..اكاونت اختي العودة لكن سمحت لي اني احدر و تعطوني رايكم
هذي ثالث مرة اكتب الموضوع و ينمسح
ساعدوا اختكم الصغيره = (

انا في الصف التاسع و طبعا الحين لازم نحتار منهج بريطاني IGCSE " كامبردج "
أو منهج امريكي، وانا وايد محتاره ،، و الحين من ثالث اسبوع واانا كل يوم ارجع البيت اتم افكر
احول منهج امريكي او اتم بريطاني .. المشكلة انهم مخرعيني من المنهج يقوولون وايد صعب وانا مابا ارسب .. و طموحي اني اكون دكتورة المستقبل ،، و سمعت بعد ان اذا دخلت منهج امرييكي ما بقدر اتخصص طب .. و يقولون المنهج البريطاني زين لانه بيسهل علي الرياضيات في الجامعة .. و اهم شي الرياضيات ..

و اليوم صار لي موقف مع المس ..
على اساس ان بنمتحن هالثلاثاء.. قالت لنا تأجل الامتحان ليوم الأحد .. قلت لها ليش الأحد !! قالت لاني قلت الاحد ..< و اسلوبها كان مش اوكي.. انا سكت و عقب سألتها جابتر 2 كامل؟ قالت لي ليش تبيني اقسمه لج ؟ قلت لها انا سألتج بس ما قلت لج قسميلي ياه ! و عقب قالت لنا حلوا و عطتنا ورقة عمل .. انا تميت احل و عقب سألتها سؤال كيف يحلونه .. ماعرفت له ،
سوت طاف وقالت لنا ان وراها كلاس و لازم تظهر.. حتى ما قالت لي بشرح لج ياه عقب او تعالي في البريك او اي شيء .. انا تخصصت والله حسيت انه شوي و بصيح من حركاتها ..

فـ بلييييز ساعدوني .. انا ان شاء الله بصلي استخارة و بقرأ ردودكم
ساعدوا اختكم الصغيره ….~

وبالنسبة للمس عطيها أكبر طاف أو إشتكي عليها إذا زادت من حركاتها لأن أهم شي مستقبلج