هلا خواتي انا بنخطب قريب لكن ماعرف شي لان انا اكبر وحده فالبيت محد معرس قبلي حبيت اعرف شو وكيف تستوي الملجه الحريم يوم اييون يشوفوني واشوف الريال واوافق شو عقب يصير بعد يرجعون الرياييل ايون مره ثانيه وليش متى المليج ايي والمهر متى يندفع وقت المليج ؟ وعن الفحص متى اسويه وهالملجه يعني هي الحفله ؟اللي اتكشخ فيها ويلبسني الدبلة والا كيف ساعدوني متخربطه وخايفه
هلا اختي ………….ان شاء الله الف مبرووووووووووووك
بالنسبه للفحص يسوينه قبل الملجه
و الملجه تقدرين تسوينه قبل الحفله باي وقت تحبين و المهر يندفع بنفس الوقت
الشوفه تكون قبل الملجه……..
في ناس تملج وقت الحفله …
الحفله تكون مثل العرس تنزل العروس بعد ماييون كل الناس تنزل على زفه و تلبس و تتكشخ في الصالون
و تيلس و يوم يي الملاج اهلها و المعرس يوقفون عند الباب و و هي تتغشى و يقولها اذا موافقه او لا و هي ترد عليه انها موافقه و توقع و بنفس الوقت تستلم المهر
و تسير عند الحريم و تكمل السهره ..و بعد العشا يدخل الريال و ابوها و يلبسها الذهب و يشربون العصير و يقطعون الكيك و يتصورون
اما اختي يوم عرست
الملجه كانت قبل الحفله بيومين…
و نفس الشي بالحفله يدخل الريال و يلبسها الذهب و يقطعون الكيك و يطلع و نكملها سهره
بس عاد بالحفله الله يعينج على تعليقات الحريم…و على كل حركه تسوينها هههههههه
مبروووك أختي ..
والله يوفقج ..
مبروووك اختي
الله يتمم لج على خير
الفحص قبل الملجه
والمهر نفس وقت ماتملجون يسلمون المهر لولي أمرج
وفي الحفله يلبسج الدبله والطقم والساعه
ويباركولكم الاهل
واي استفسار انا حاضره
هلا الغلا .. مبروووووووك والله يتمم لج على خير ،
انا أقولج أحسن شي تملجيين قبل الحفلة بيوم او يومييين . . او ع الظهر فنفس اليوم اللي فيه الحفلة
عن الحشرة وزحمة الحريم . . واللووووية اللي مالها لزمة ..
وصح الفحص لازم اتسوينه باسبوع قبل . .لانه يحتاي يومين لثلاثة ايام عسب يظهرر . .
…
نيي لـ ترتيباتج الشخصية ،
مثلا إذا الحفلة يوم اليمعة
يوم الثلاثا سوي تنظيف بشره وفيشل عشان يرتاح ويهج ،قبل الحفلة وإذا ظهرن حبوب فيه يختفن
والاربعا بدكيير لايدينج وريولج . .
ويوم الخميس اتحني وسوي حف لشعر ويهج
وبالنسبة لترتيبات الحفلة الاخوات مابيقصرن
للرفع الله يوفقج ياااااااااااااااااااااااااااارب واتمنى البنات يفيدونج 
والله يتمملي ملجتي ع خير ياااااااااااااارب
UP UP UP