السلام عليكم ورحمة الله وبركاته
خواتي بغيت استفسر عن حنه فرد الشعر شورايكن فيها
الصراحة انا مترددة ومب عارفة شو نتايجه رغم قريت التجارب بس بعد .. مترددة والسبب كثر ما قريت عن تساقط الشعر من الخلطان السرية للحنه وغير يوم سمعنا قبل سنين انه حرمة استوت قرعة عافانا الله جميعا في الصالون بسبة وجود الحنه من قبل ومادري شو اسبابه
والحين ابغي بس المجربات فقط يجاوبن شو رياكن فيها بعد ما جربتن واتمنى اللي صار عليها 6 شهور وفوق اتقولونا بالنتايج دام انه مفعوله الحنا اكثر من 3 سنين ومواضيعهن وبيعن فترة طويلة ما شاء الله
والاسئلة هي :
كم ساعة حطيتي الحنه على الشعر
شو نوع شعرج مجعد ناعم وسط وهل هو كيرلي
استخدامج للحنه مرة وحدة بس ولا مرتين واذا مرتين متى رديتي اتسوينه بعد يوم ..اسبوع ؟؟
هل شعرج كان مصبوغ من قبل وحطيتي الحنه فوقه ولا وكم صار عالصبغة
ويصير اصبغ بعد الحنه بعد 6 شهور ولا اكثر
هل اثر الحنه على شعرج مثلا حكة او تساقط لا سمح الله
شعرج استوى ناااااااااااااااااااااااااااااااعم حرير حرير من غير أي تموجات
وهل سود شعرج حييييل عطاه اللون الاسود يعني
بعد الغسيل للايام العادية يوم تغسلين بالشامبو اتحسين ان لون الحنه بدى ينزل ولا
الحنه الوحدة اتكفي لكامل الشعر ولا لازم اثنين
شو استخدمتي مع الحنه وفعلا عطاج اللون البني .. لان ابا اللون البني الصراحة
اتمنى خواتي بس المجربات يردن عليه للافادة لي وللجميع .. طمنوني واتري ردودكن وياريت ترفعون الموضوع لان بخليه فترة لين ما اطمن بالردود الطيبة ..
والله يحفظنا جميعا يارب ويزاكم الله خير
ان شاء الله الاخوات يفيدونج حبيبتى
للرفع
ختيـه آلحنه هآي اضرارهـآ كثيره ’
انا اطري حنا الفرد بشكل عـآم فديتج
وتقدرين تقرين عن مخاطرها ف النت ,, وفي المنتدا نفسه
تسبب تسـآقط حاد وريحة غير مستحبه و تبيض الشعر , والخ !_!
انا ماجربت بس عرفت من النـآس حولي ختيـه
الله يوفجج للي يحبه ويرضـآه
اختج ف الله
للرفع
المشاركة الأصلية كتبت بواسطة ![ملكية]! 
انا ماقصد حنا الاخت انجوده او مفاز , انا اطري حنا الفرد بشكل عـآم فديتج
وتقدرين تقرين عن مخاطرها ف النت ,, وفي المنتدا نفسه
تسبب تسـآقط حاد وريحة غير مستحبه و تبيض الشعر , والخ !_!
انا ماجربت بس عرفت من النـآس حولي ختيـه
الله يوفجج للي يحبه ويرضـآه
اختج ف الله
هلا حبيبتي انا استخدمت الحنا ومن عند وحده من التاجرات الي ذكرتي اسماائهن الله يسامحها
النتيجه شعري يتساقط بشكل انه صارت عندي حاله نفسيه وريحته خايسه وكل مااطلع برا (مكان حار) احس فروة راسي تحرقني بشكل وخاصه اول مااستخدمته والحين شعري خفيف وااايد (تقريبا في اماكن مافيها شعر) ولونه باهت
كيييف كان شعري وكيف صار مااقول الا لاحول ولاقوة الا بالله
بغيت النعومه وخسرت شعري
ادعولي انه يرد شعري احسن من قبل ويوقف التساقط