السلام عليكم و رحمة الله و بركاته
شحالكن بنات و حريم المنتدى (^_^)
بدخل في الموضوع (وانا ادري انكن ما بتقصرن)
انا اريد احني شعري عسب اصبغه و اغذيه (ماريد اصبغ كيماوي…شعري مدَمر ماريد ادمره اكثر)
سرت العطارين الايرانيين في الشارجه و كنت باخذ حنا يمني لاني سمعت انه احسن حنا و يصبغ…
بس الريال هناك نصحني آخذ حنا مغربي للشعر و قالي انه يعطي لون احمر و على ضمانته.
الصراحه انا خذته ولين الحين ما جربت 
لاني ماكنت ادري ان في حنا مغربي للشعر…احيده للجسم لتوحيد لون الجسم …
صح ولا انا غلطانه؟؟؟؟
اللي تعرف الحنا المغربي للشعر ممكن اتخبروني كيف اعجنه؟؟؟ مع شو اخلطه؟
للعلم شعري دهني و لونه بني و اريد اصبغه أحمر (لون الحنا)
شو رايكم اخلطه مع كركديه؟؟
و عسب التغذيه شو اضيف له؟ روب؟ خل؟ شو بالضبط؟؟؟
انا حيرانه….بليز خبروني اريد احني شعري و اغير اللوك خخخخخ (مب وايد واثقه انه بيصبغ بس اريد اغذي شعري بالحنا)
يله اللي تعرف اتخبرني و لها مني دعوة حلوه (^_^)
حبيبتي لا تحطين حنا مغربي سيري سوق الجمعه وخذي من عندهم الحنا ونصيحتي لج حطي البيض والروب وزيت الزيتون …………وشوفي شعرج كيف بيستوي ودعواتج
المشاركة الأصلية كتبت بواسطة ميثاني99 
مشكوووره فديتج
انا مادري ليش متردده …من خذتنه قبل رمضان ولين الحين ماستخدمته….
بس ليش ماحط حنا مغربي؟؟؟مب زين؟؟
اي حنا آخذ؟؟ حنا يمني؟؟
الله يسعدج و يحفظج ويحفظ هلج من الشر و ايسر لج جميع امروج ،،،أمين
حبوبه انا اعين الحنا ويا ماي مفور حاطه فيه كركديه والحنا السودانيه (تاج) آخذها من الدكان الجيس صغيرون ب 3 دراهم تقريبا .. اخليه ع شعري 5 ساعات … واغسله بس بالماي وثاني يوم الشامبو عشان تصبغ عدل ..
وتصبغ بس انا شعري مش اسووووود لا تحسينه مغبر شوي عشان جيه تبين الصبغه بسرعه ..
احســــــــــــــــــــــــــــــــــــــــن حنه للشعر الحنه اليمنيه معرووووووووووووووف
وانا سمعت اذا تبين شعرج يتغذى تعينينه بماي الحلبه بعد ماتفورينها
وبجربه
اختي انا احس الحنا العماني احسن شي بتلاقينه عند العطارين اعتقد
اعينيه ولو تبين لون احمر فوري الكركديه وحطيه معاه …وللتغذيه روب وبيض ولو عندج صبار طبيعي من الشير اتقصينها من النص وتطلعين اللي فيه وتخلطينه في الخلاص يوم يستوي سائل اتحطينه في الحنا ومعروف الصبار وايد زين ( بس لاتحطين زيت زيتون لانه يعزل اللون مابيحمر)…وحلوه طريقة انج تعينينه بماي الحلبه بعد ماتفورينها
وهاي اضمن واحسن طريقه في نظري …ودعواتج
قصدي تخلطينه في الخلاط
الخلاص = الخلاط