السؤال الأول : (( كاميرون هايلاند )) أو (( ولاية صباح )) شو أحلى لأني بختار وحدة منهم لأن ولاية صباح بعيدة وكاميرون تقريباً سمعت ان 4 ساعات تبعد عن كوالالمبور؟
السؤال الثاني : (( بينغ )) أو (( لنكاوي )) شو أحلى بختار نفس شي جزيرة وحدة؟
السؤال الثالث : الفنادق الحلوة لكل منهم ؟
السؤال الرابع : المحلات اللي تعرفونها بخصوص البدل الحلوة (( لأني مفكرة اشتري للعيد من هناك ما دام أنا مسافرة )) ان شاء الله ؟
السؤال الخامس: شي محلات تقليد للشنط هناك وتكون نفس الأصلية ؟
أحس بعمري ثقلت عليكم سامحوني 
اترياااكم يا بنااااااات بلاااااادي الغالية
وانا بعد ناسيه بس برد على الي اقدر عليه
السؤال الثاني: اكيد وبدون تفكير بينغ الاحلى لانكاوي اذا بتروحينها روحي ورديلها في نفس اليوم
السؤال الثالث :بينغ اخذي الفنادق الي على البحر بس الصراحه ما اذكر اساميهم 
بس يكونن احلى بوايد من الفنادق الداخليه << الغير مطله للبحر
السؤال الرابع : في كوالا بتحصلين مراكز منها والاحلى تايم سكوير وفيه وايد ماركات عاميه
بس بشكل عام يغلب على بضاعتهم الطابع الاجنبي يعني ماشي وايد تنانير طوال اكثرهم قصار
وهذا الي عندي واذا ذكرت شي ثاني بخبرج عنه
وان شاء الله اكون افدتج الغاليه
السموحه
اولا……..انصحج بالكاميرون…ولاتفوتين مزارع الشاي..
ثانيا….انا اختلف مع الاخت وردة حمرا….لنكاوي الافضل والاحلى بدون منازع…ومناسبة جدا للعائلة بعكس بيننغ…ولاتفوتين في لنكاوي الرحلة البحرية اللي بيكون فيها اطعام النسور وكهف الخفافيش وكهف التماسيح…والغدا في مطعم عائم……وروحي بعد عالم تحت الماء روووووعة..
بالنسبة للمحلات تقليد الماراكات…هي تشاينا تاون……في كوالالمبور…عبارة عن محلات يبيعون فيها الصييينيين كلها تقليد ورووووووعة ورخيييييصة نزلي معاهم وااااااايد
ياريت والله نعرف لاني انا بعد اتوقع ساييرين ماليزيا وحابة اعرف
احلا بنوته ترا الرحلات البحريه بتطلعينها حتى من بينق بس الصراحه انا رحتها ماعيبتني وايد حتى حديقة عالم البحار وايد جديمه وخاليه مافيها سواح حتى
على العموم كل واحد وذوقه الغاليه^_^
الغالية دشي الموقع هذا وانشالله بتحصلين كل شي عن ماليزيا
دليل ماليزيا
ولا تنسينا بالدعاء
شكراً على ردودكم ما قصرتوا