شحالكم عساكم بخير؟
ربيعتي طلبتكم طلبه و أتمنى ما تردوها…
هي داخلة الجامعة الأمريكية اللي بالشارجه و ما تعرف بنات في الجامعه..
و هي وااااااايد خايفه من أول يوم بتدخل فيه الجامعه ، عسب طبعها خجول فديتها والله
اللي حااب يتعرف عليها يراسلني ع الخاص بشرط تكون الصديقه بنت هب ولد
و يزاكن الله ألف خير
طلب ثاني بعد اأبي معلومات عن الجامعه لأني أفكر أدخلها يوم بخلص ثانويه عامه
سكن و مواصلات و ما شابه ذلك بس بلييز محد يطرشلي الرابط
مشكوورين ما قصرتوا
هلا حبيبتي ..
انا مسجلة فالجامعه مع 3 من رفيجاتي واذا رفيجتج خايفة ولا شي احنا عادي عندنا اهي اتيي معانا
وانا اعرف حق الجامعه لان اختي فيها
يعني لا تخاف..
بس اهي سجلت حق التوفل؟ لان اذا امتحان التوفل مالها 14/8 بنكون معاها وعادي بنتعرف عليها
وبخصوص الجامعه ماتقبل نسبه تحت ال 85 والدراسه فيها صعبه شوي يعني يبيلها مذاكره من اول شي
اما عن السكن والمواصلات والله ماعرف
انشالله اكون فدتج واذا تبين اي شي طرشيلي ع الخاص ^.^
كلمتها اليوم بخصوص التوفل و قالت انها بتمتحنه قبلكم بأسبوع
أشكرج مره ثانيه و ربيعتي تهديج سلامها الكبير و تقولج ما تقصرين فديتج
الله يخليكم ربيعتي بتصيح لو عرفت انها بتم وحييده
هلا حبيبتي ..
انا ادرس في الجامعه الامريكية هندسة كيميائية .. والحينه باجيلي سمستر واتخرج .. يعني خبره في الجامعه ههههههه
اذا بغت تراسلني وتستفسر عن أي شي انا حاضرة ..