مرحبا خواتي سيدات الامارات
شحالكم ؟ انشالله مرتاحين وبصحة وسلامة
طبعا العنوان واضح .. نبا نتاقش عن الاطفال في هالعمر ( 3 سنوات ) ..
نتبادل خبراتنا وتجاربنا في كل شي .. اللي عندها سؤال ..
ترد عليها اللي تعرف الجواب .. يعني بنخلي مثل استفسارات
ومرجع نعود له لما نحتاج .. خاصة للي مثلي يعني طفلها الاول
كيف تتعامل وياه سواء في العصبية والاكل والنوم والمرض ووووو
اتمنى اشوف تفاعلكم معاي في الموضوع ..
تحياتي للجميع ..
بما اني كاتبة الموضوع .. عندي استفسار ..
شو أفضل وقت لإيقاض الطفل ؟!!
تخلينه ينام على راحته !؟ وألا تصحينه بوقت معين ؟!
خاصة إذا كنتي موظفة .. يعني الفترة الصباحية ما تكونين وياه ..
وبما انا نتكلم عن النوم وسوالفه .. متى تنومينه بالليل ؟؟
انا بنتي عمرها سنه ونص تنام الظهر مره لازم هذا الوقت وتصحى العصر لين الساعه 11 انومها 
مرحبا اخواتي…….ومشكوره على الموضوع
انا عندي بنت 3ونص عمرها و والد سنة نص
يصحون الصبح على حسب اذا نايمين مبكر قاموا بدري وهم بالعادة ينامون على الساعة 11 وينامون الظهر بس الولد الي ينام اما بنتي شعشبونة ترفض النوم وتلاقينة تعبانة بالمرة وتنام بدري
انا عندي مشكله في هذي البنت
من فتره ماعاد تحب تلبس البجامة حقت النوم واللة مناحة تسويلي
يوم تنام اللبسها وهي نايمة وعليها كلمات تقولها (وسخة تسمعها من البيئه الي حولنا) وكل مرة اقوله واعاقبها عليها مرات فية استجابة ومرات يوم تعصب علي تقولها.اللة يعينا من عيال اليوم
هذا الي عندي ابي حلول
وانشاءاللة في تواصل
ونسيت ارد عليج بنسبه للطفل الي ينام من خبرتي انج ماتقوميته من النوم الا لين مايشبع من النوم الا اذا كان مش حزت نوم يعني مثل النوم بين المغرب والعشاء تخلينة ينام بس مش وايد يعني حدود ساعة ونص او بالكثير ساعتين
وارجو اني افتج في معلومة
والباقي على البنات
انا بناتي عدو هذي المرحلة ,,, وحدة خمس سنوات و الثانية البارحة مكملة اربع سنوات … و بالنسبة للنوم لاني موظفة … و البنات عندهم مدرسة من يوم كانت اعمارهم 3 سنوات … كنت انومهم الساعة 7و نص … طبعا ساعات اقولهم قصة و ساعات افتح لهم التلفزيون يشوفون الين ينامون و ما يطولون وايد الين ينامون لاني ما انومهم الظهر …
مع بنتي الاولى كنت اعاني اني ما اخليها تنام الظهر لان ما كان عندها حد يلعب معاها … فالعب معاها انا …. لكن الحين و هن ثنتين … الوضع وايد اسهل …. ساعات اخليهم يلونون و ساعات يلعبون
هذا اللي عندي الحين و لي عودة ان شاء الله
انا ولدي عمره 3 سنوات ويروح الحضانه .. فيصحى بكير وينام بكير مثل ما يقولون.. والحمدلله والشكر اتحسين الياهل يهدى شوي ويتعلم .. وينام الظهر ساعه وحده واوعيه علشان ينام بدري.. بما انج اتداومين الصبح.. فخليه ينام على راحته .. واحس لين الساعه 10 اوكي.. علشان ياكل وجباته في اوقاتها..