مرحبا حبيباتي
الحمدلله رب العالمين عالجت بفضله حب الشباب، الحمدلله..
تمت عندي الآثار والحفر والمسامات اللي مشوها ويهي
أتمنى من أي وحدة عالجت أو سمعت عن عيادة اتعالج الندب والآثار اتخبرني:
1-العيادة ومكانها
2-اسم الدكتورة
3-درجت الآثار اللي كانت عندها
4-الاسعار وكم جلسة سوت؟؟
اسأل الله العظيم رب العرش العظيم أن يشفينا جميعا من هذا الداء وآثاره
هلا الغاليه..
انا نزلت موضوع عن حب الشباب وكيف تعالجت منه..
هذا الرابط..
http://uaewomen.net/showthread.php?t=260836
وبالتوفيج..
تسلمين الغلا أنا عالجت والحمدلله الحب بس تمت الآثار والندب والمسامات
و استخدمت نفس أدويتج تقريبا عند دكتورة جلدية وفي مستشفى حكومي
الغالية انا كنت اعاني من آثار حب الشباب واسمرار لون الويه لفترة طويلة
وماتم عيادة جلدية خاصة وحكومية في ابوظبي ماسرتلها
وكلهم تتحسن بشرتي بس لأول مدة العلاج
وعقب شهر أو شهرين يستوي العلاج اللي آخذه مامنه فايدة
حتى تقشير البشرة سويته على جلسات لأن آثار حب الشباب كانت وايد واضحة عندي في الجبهة وتحت الفم لأن بشرتي نوعها مختلطة
والحين صارلي 4 شهور اتعالج عند دكتورة رانيا في مستشفى كوزمسيرج
والحمدلله وايد حسيت بشرتي تحسنت على الكريمات اللي وصفتلي إياها
وصفتلي كريم تفتيح لأماكن حب الشباب وكريم ترطيب يحتوي ع فيتامين س وغسول خالي من الصابون
وقالتلي استخدم كريم اساس طبي هالفترة عشان بشرتي ونصحتني بكريم اساس ماركة coverderm ووايد اوكي صراحة للاستعمال اليومي
بس من الحين اقولج رسوم الاستشارة على حسب مب وايد غالية بس الأدوية سعرها غالي
واذا بغيتي اي سؤال انا في الخدمة
للرفع
للرفع
هلا ختيه
الصراااحه انا ختيه كانت تعاني من هالمشكله بس الحيين ما شالله ما شالله على بشرتهاااااا صاااافيه و خدوودها حمررررره و هذا كله بفضل دكتوور اسمه سمير العلي ف بوظبي الصرااااحه رووووعه هاالدكتوور
استشارته ب 300 بس الادويه اتي شوي اغلى بس يستاااااااااهل
و السمووحه