خواتي أنا ريلي اخر العنقود مب مقصر علي بشئ..بس مشكلته امه حرمه كبيره انا ماقصرت مع اهله بشئ ولكن امه دايم تفر علي نغزات وتجرج ريلها علي..ويوم اشتكي لريلي يقولي حتى لو غلطوا انا مارضى عليهم ويقول عادي انسي وردي اطلعي وسولفي عادي..بنات والله تحش ويالشغالات وتصدقهم ضدي انا اسمع بس مااشتكي لريلي لانه اخر العنقود وايد متعلقه في امه..انا مايضايقني تعلقه في امه بس امه سليطة لسان من جدامي بويه ومن وراي بويه..اللي زوجها نفس الشئ تقولي كيف اتصرف معاهم والله اني قبل كنت اطلع واقعد معاها برع اللحين مااطلع لانه كله منتفخه علي وتفر نغزات انا من صدق وايد تعبت منها..ومابا اخسر زوجي..لانه وايد طيب ومب مقصر علي بس عند اهله الدنيا توقف وانا بصراحه لازم يكون لي سند ومب بس لاهله انا بعد لي حقوق..
أستحملي أشوي عشان خاطر ريلج واصبري أشوي عليها
الله يسر امورج
الله يكون بعونك
الصبر اختي و زيدي فالصبر ربي معاك ان شاء الله
زوجي اخر العنقود لكن
والدته و ابوه الله يرحمهم و يرحمنا و اياهم
اختي ان كان اخر العنقود ولا البكر اذا هو متعلق اهله ما بيرضى عليهم حتى لو هم غلطو ..انتي ما اتعرفين يمكن هو ايدافع عنج من وراج وانتي ما تدرين بس جدامج ايبين انه اهله كل شي..بس صدقيني بعد بيكون فيه الخير يوم هو زين ويا اهله لانه عقب عيالج ان شاء الله بيتعلقونج..
الغاليه لا تزعلين حتى لو شو قالت عنج دوم سيريلها حتى لو اتقول الي اتقوله عديها امج ولا تاخذين بكلامها عشان تكسبين ريلج وبعد امه ..ودعيلها بالهدايه
شيء اكيد بيراعي امه لانها حرمة عودة
ومثل ما انتي امج غالية عليج وما ترضين ان حرمة اخوج تاخذ اخوج من امج هو بعد مايرضى ان شي يكون حاجز بينه وبين امه
بالعكس يالذكية اكسبي امه لصفج ————— متأثرة بالتدريس
يعني اطلعي وسولفي واضحكي لهم وبجذه ريلج بيتعلق فيج
لان بصراحة اللي مافيه خير لامه لاتتوقعون بيكون فيه خير لحرمته وعياله —— الله مابيبارك له في شي
وموفقة