السلام عليكم…………
بنات لو سمحتن اللي دخلت تتدرب في مدرسة الامارات لتعليم قيادة السيارت في بووووووظبي….اتي هنيه تساعدني…..
انا درست عندهم وخذت اربع حصص وعقب امتحنت ونجحت في الظري الحمدلله…
وعقب قالولي لازم ادرب العملي عندهم…قلت اوكي بتعلم عندهم وببدأ من الصفر…ودفعت 2290 درهم…وعطوني جدول فيه من 3 مستويات ..وعقبه بشهر بديت اتعلم يعني من يوم الثلاثاء اللي طاف…وخلصت 1 والسبت ببدأ في 2 وعقبها 3..
انزين عقب قالولي فيه جدول ثاني فيه 4 و5….انزين هذا بيعطوني اياه ع طووووول يوم اخلص من 1 لين 3 ولأ بعد بتريا شهر……؟
وشي الثاني متى اروح اخذ موعد للتراي في المرور..؟؟
الغاليه ما تقدرين تاخذين موعد في المرور الا بعد ما تستلمين ورقه انج ناجحه في المدرسه … وطبعا مواعيد المدرسه يعطونج بعد شهر بسبب الظغط وايد عليهم …
اهاااا….
انزين بعد قالو في مستوى 6 بس برع المدرسه في شركه ثانيه…بعد هذا اجباري ولأ لا..؟
المشاركة الأصلية كتبت بواسطة نوف1 
مايستوي تاخذين لمستويات الاخيره الا عقب ماتخلصين المستويات الاولى
اللي هي 1 , 2 ,3 ..
المشاركة الأصلية كتبت بواسطة نوف1 وشي الثاني متى اروح اخذ موعد للتراي في المرور..؟؟
بخصوص موعد التراي في المرور .. عقب ماتخلصين امتحان الباركنج والريوس ..
يعطونج شهاده انج انجزتي العملي وبطاقة خضره .. وعقبها تسيرين المرور وتقدمين لهم ..
واي سؤال انا حاضره 
المشاركة الأصلية كتبت بواسطة نوف1 انزين بعد قالو في مستوى 6 بس برع المدرسه في شركه ثانيه…بعد هذا اجباري ولأ لا..؟
اللي اتذكره كانو يقولون لي ..
مستوى 6 هو نفسه امتحان الشارع ..
بس بعضهم ياخذون مستوى 6 في المدرسه نفسها اللي هو امتحان الشارع ..
وبعضهم مايعطونهم في المدرسه ..
انا الصراحه عقب ماخلصت من امتحان الباركنج والريوس ع طوول سرت قدمت للمرور ..
والحمدلله وايد يمشون .. اهم شي لا تتروعين
مشكوره فديييتج…:-)