السلام عليكم
عندي سؤال :
هل ممكن تساعدين زوجج ف بناء بيت العمر خاصة الحين الاراضي السكنية الممنوحة للشباب من الحكومة
تكون باسمهم ما يستوي يغيرها الا بعد سنين لانها منحة
ممكن تبنين وياه بيت باسمه ؟
ما ابغي ضرابة و فلسفة
ابغي اجابة واضحة و محددة مع ذكر السبب
و لكل زوجة حرية التعبير عن رايها بحدود الادب و الاحترام 
و شكرا لكم 
بقولكم رايييي عقب
بصراحه انا ساعدت زوجي بمبلغ زين
بس تبين الصراحه ما تضمنين حد في ها الزمن
انا مع الاخت نور صراحة كلامها منطقي لو بساعد بساعد بمبلغ بسيط
شخصيا بالرغم من اني مكملللة سنين معاه
ما ارضى الا لو كتب نص البيت باسمي و مستعدة اشاركه النص بالنص
لو مب نصه باسمي ما اساعد ب فلس
اكتفي اساعده شوي بالمكيفات و الاثاث و اشياء خفيفة جدا يعني اشياء ملموسة ف البيت
اما البناء لا
الحين هو ظهرت له ارض و قلت له ابني البيت ع راحتك شوي شوي تاتي تاتي
و عقب 5 سنين يستوي تغير الارض لانها منحة
و اليوم اللي بتسويه نصه باسمي———>>بعطيك نص جيمة البناء اللي بنيته كاش نوط ينطح نوط
و سدد التزاماتك للمقاول او للبنك ما عندي خلاف بس طبعا اضمن حقي
باجر دارت فيني الدنيا و عرس علي شو اسوي بعمري عقب بموت من الغصة و القهر و اتينن
لا تقولين لو ريلج زين وما ادري شو
الله يخليه زين و كل شي بس اخاف من المستقبل و اخاف الفلوس تخرب الريال
عن نفسي اول ما تزوجت و غرقانة بالحب ,, كنت اقول هيه !
بس عقب و بعدني غرقانة بالحب هههههه و لكن اعقل بعد قلت بساعد لووول
بس يوم عقلت زيادة و زيادة قلت لا !!! و خليت الحب على الطرف و ما دخلته بالموضوع !
لان هاك شئ و ها شئ آخر ..
اقصد لو الحين بقول لا مب عشان شئ بل ما ادري شو بيصير لا سمح الله
كيف انا اساعد و البيت يكون باسمه ان لااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااا
سمح الله باجر عرس منو بيختنق من القهر ؟؟
مب انا ؟؟!!
من جي اشوف بناء البيت ان كان باسمه من وظائف الرجل و ان ما عنده يبني عادي بسكن في شقة
بقلل من المصروفات ..
ببتعد عن الكماليات و لكن ما بحط بيزاتي في بناء البيت ..
اصلا اي ريال عاقل المفروض ما يقبل حرمته تساعده
لان نحن الحريم على اقل دقة و زعل بنقول هييييييييييييييييه
ما تقّدر مساعدتي !! عن نسيت ساعدتك في البناء !
تلقين الريال قال لها لا تروحين بيت ربيعتج والحرمة تقول ساعدتك في البناء 
ـ فلوسه فلوسي و فلوسي فلوسه… نخطط نعم لبناء البيت و انا ما اشتغل عشان اقول بساعده و المفروض من وجه نظري نكون بعاد عن الرسميات الصراحه! شو اظمن حقي .. اذا الريال يحشم الحرمه اللي ماخذنها و حاشم هلها مستحيل يسوي اي حركه بايخه في المستقبل . البيت اللي يبنيه ملك مايحتاي اوراق و نص بالنص . ماعليه عندي مبلغ محترم كيفي بأثث ع راحتي بس مب معناته والله اكتب نص البيت باسمي. وجه نظر فقط من باب احترام و حشم الزوجه و كل وحده ادرى بريلها ـ و اذا ساهمت الحرمه ..الريال من نفسه من باب العدل و الانصاق ان يسجل نص البيت بسمها مايحتاي تقوله و هو لازم يكون واعي انها ساعدت و في الاخير تراه هو بيت الزوجين
في مقولة عند حريم البدو ( الريال صديق حرمته تالي الليل والصباح يغدي عدوها )
الرجل يلين عند حاجته ومن يصبح الصبح يغدي عدو لها
انا بساعده لو انكتب لي نص البيت باسمي غير جي يسمحلي