السلام عليكم ياحلوات يا امورات
انا آسفه عالتأخير ,,, كذا بنت طلبتني عالخاص معلومات عن ماليزيا ومارديت
أول شي بتكلم عن العاصمه كوالالمبور حسب روحتيه ألها
انا حبيتها وايد وايد ,مدينه هاديه لدرجه ان ماكد شفت سيارة شرطه او حادث لا سمح الله
اهم شي فيها الشوبنج _ طبعا البرجين البيتروناس فيه الماركات فيه المحلات المتنوعه والرخيصه
وبعد شارع العرب يقع بين الفنادق أهمها الماريوت وافخمها وعطول الشارع مولات وفي مول مسمينه انا وريلي السكراب ,, هو مش سكراب بس أسم , أسمه SUNGEI WANG PLAZA
رخييييييييييييييييييييييييييص وفيه كل شي كل شي وانا يوم اروحله اشتري نعول بالهبل ولا احلا منهن تقولن مال ألدو
اسامي المولات,, AVENUE K,,SURIA KLCC,,KL PLAZA,,LOT 10 *,, TIME SQUARE KL ,, BUKIT BINTANG PLAZA ,, LAMBE PLAZA ,, AMPANG PARK PLAZA ,, STAR HILL,,
فيه اكواريوم وايد حلو وفي حديقة طيور وحديقة فراشات وحديقة الاوركيد والمسجد الوطني
اما CHINA TOWN حق اللي يبن يشرن ماركات تقليد أول وماشي فرق أبدا سواء شنط أو سوع عكيف كيفج رولكس , اوميغا , كونكورد
لويس فيتون شانيل , موفادو صدقوني الساعات مابتعرفون اذا اصليه او تقليد اول نفس الشي الشنط ,,,,, بس عيبه ضيق واذا ريالكن ماعندهم طولة بال ومن النوع اللي يضيق
مابيتم فيه ( الحمدلله ريلي يموت فالشوبنج)
حبوبات في ارقام مهمه حق السواح ,,, في رقم شرطة السواح وهي مخصصه حق لاسمح الله طحتوا في مشكله او مضايقه او لاسمح الله حد ضاع
*TOURIST POLICE:603-2163 4422
TOURIST INFORMATION CENTER : 603-4041 1295
وهاي خاصه في كوالالمبور
وفيه فالمطار مكتب مخصص حق التكاسي
__________________________________________________ ___________
جنتج هايلاند
عباره عن سلسة خمس فنادق فوق قمة جبل فوق السحاب وملاهي ضخمه
انا رحت فندق جنتج ريزورت وأقولكم اللي بيروح ماليزيا وماراح جنتج فاته نص عمره
أجنن جنتج أجننننننننننننننن ,, هن الفنادق متصله في مول ضخم داخله بعد ملاهي
بس شو اقولكم ,,, تخيلو وسط السحاب
حبوبات بكمل بعدين عندي شغل شويه والسموحه عالقصور انا ودي انزل صور بس انشالله يوم بفضى السموحه
مشكووووووووووورة علي المعلومات المهمة والحلوة ونتريا المزيد
اوكيه وياج الغاليه بس جنتنق حق مبيت لو عندج عيال بس لو كبل سوم اتسدها
ممممم انا بيفيدني رقم الشرطه و لو عندج رقم سواق امين يووصل فكوالا لمبور
او باننغ او لنكاوي ياريت اتفيديني
حلوووووووووووووووووه ماليزيه انا سرتلها 7 مرات مادري 9 نسيت حتى هههههههه
ماليزيا.. ما تتفوت .. لابد لها من زيارة حتى تتعرفون عليها .. أكثر شي أحبه فيها وقت المطر ..
رائع .. و اتحسها خفيفة على القلب ..و كأنك في بيتك الثاني
مشكورة فديتج
نحن في انتظارج
وانا شكلي اتحمست مع اني من قريب راده من السفر..بس اتشوقت اروح ماليزيا..انا رحتلها مره في شهر العسل..وااااايد حلوه..وانتشاءالله اروحلها مره ثانيه…وتسلمين الغاليه على الموضوع الحلو..