السلام عليكم و رحمة الله و بركاته…
خواتي انا كنت اكتب هنيه في القسم…و في بنات يزاهن الله خير كانن يطمنن و يسألن عن حالتي عالخاص….
حابه أشكرهن،،،،
missuae3003
أم الحمدي
Al_Dloo3aa
وايد خففتن عني في هالفتره…مشكورات و يزاكن الله خير.
السالفه اني حملت بكيس بدون جنين و كان حملي الاول….و اتريت شهر لين الكيس نزل بروحه…و المستشفى كانو عاطيني موعد عسب التنظيف اذا مانزل.
عمر الكيس كان 6 أسابيع يعني بعده صغير.
بس الحمدلله رب العالمين نزل بروحه يوم الجمعه و اليوم شيكت في المستشفى طلع الرحم نظيف و الكيس نزل.
بس ماقدرت اسأل الدكتوره وايد أسأله كانت في بالي،،،،،
استحييييت لانه كانن وياها طالبات طب متدربات 
عندي أسأله خاصه….استحي أكتبها عالعام.
اي وحده اجهضت في حملها الاول و تروم اتجاوبني تخبرني هنيه عالعام و انا برسلها أسألتي…
لا تردوني بنات…والله صدق محتاجه حد يجاوبني و يرفع معنوياتي…وانا ان شاء الله بتصل في العياده اللي كنت اتابع فيها حملي وباخذ موعد الاسبوع الياي….
بس احس بتخبل اذا ماحصلت جواب بسرعه
اللي بتساعدني لها دعوه بظهر الغيب ان شاء الله.
انا اجهضت بحملي الاول وان شاء الله افيدج
وانا اجهضت بحملي الاول والثاني
الله يعوضج بالذريه الصالحه
الله يعوضني و اياكم خير يا رب
بنات انا طرشت عالخاص
حبيبتي أنا أجهضت حملي الأول والحين توني حامل بالثاني
طرشي حبوبة أسألتج ان شاء الله أقدر أساعدج
مشكورين خواتي
طرشت الاسئله