#الليل وردي ولون الليل من وردك# تقرير عرس حقيقة سراب 5/3/# الجزء الأول#

وأخيراً تعلمت كيف اصغر الصور

اولا حبيت اشكر كل عضوات المنتدى واللي ساعدني في تجهيزات عرسي
سواء بالنصايح او بدعواتهن

وحبيت اخص بعض العضوات بالشكر الجزيل خخخخخخي حلوه الجزيل واللي خدمني في بعض الامور

العضوه ساسي ذهب: وهي فعلا ذهب وما قصرت هي اللي سوتلي الزفه وحضرت عرسي وصارت بينا صداقه وان شاء الله انها ادوم طول ما احنا عايشين.

العضوه حلاوه مصاصه: بنوته كتكوته ما شاء الله عليها ابدعت في عرض الصور

العضوه دلوعه: سوتلي باقه ورد مطبوع عليها كلمات وكانت جزء من هديتي لريلي يوم العرس وما قصرت بيضت الويه من الخاطر

العضوه Dubai Dream: خذت منها العدسات السودا اللي تكبر العيون لبستهن يوم العرس طلعت عيوني تجنن ما شاء الله وطبيعية في نفس الوقت وهالانسان قمه في الذوق والاخلاق

العضوه غلا قلب: أجرت عنها المسكه احتياط لاني كنت خايفه مسكتي ما توصل قبل العرس بس الحمدلله وصلت ليلة العرس فما استخدمت مسكتها بس الله يسامح محل الورد خربلها مسكتها شوي
وانا متلومه فيها من الخاطر وهي انسانه الصراحه خلوقه

الحين بنبدأ بعض الصور

الجزء الاول بيكون عن لبسي يوم العرس وتوابعه

بسم الله الرحمن الرحيم

الساعة والدبلة

العقــــــد شكله في اللبس خباااااال الصراحه الصوره ظالمتنه

اكسسوار الشعر طلع يجنن مع الطرحه راعيت الصالون دمجته مع الطرحة وخلته كأنه ضمن شغل الطرحه واللمعه كانت رهيبه… اممممم ما حبيت البس تاج لاني دوم احب اتميز وكل العرايس يلبسون تيجان بس بعد احلى ما فيه انه ممكن تسوينه على شكل تاج … وانا مسوتنه تفصيل واستلمته ليلة العرس تذكرت معاناتي مع الزحمه والمطر يوم سرت استلمه

الجوتي وانتن بكرامه خذته قبل العرس بيومين لاني كنت مفصله واحد بس طلع وااااايد دفش… والحمدلله انه كان ثابت وما اتخرطفت وانا امشي … مع اني مول ما احب هالنوع من الكعب خوفا من الاحراج عن الطيحه خخخخي

الحين يا دور الفستان والسموحه لاني نسيت اصور الطرحه … الصراحه انا ما كنت مقتنعه في الفستان زود بسبب الطرحه وانه هو فيه شغل وايد بس لانه لبسه اولى وعلى كلام خالتي اختي انه يجنن وانه ما عندي وقت ابداً اني اغير التصميم فقلت يالله بمشي حالي… لكن بعد ما ارتحت الا يوم سرت عن التاجره اللي بتاخذ الفستان عقب ما البسه وغيرت الطرحه لطرحة غريبه وقصيره مثل ما كان في خاطري
والحمدلله لين اليوم يتكلمون عنه
طبعا لاني مصورتنه وهو على الارض فما راح تبين حلاته عدل وانا ما اروم اعرضه وانا لابستنه لانه جسمي بيبين فالسموحه منكن

والحين دور المسكه… مثل ما قلت قبل انها وصلت ليلة العرس وانا كنت خايفة انها ما توصل في الوقت المحدد بس الحمدلله الله ستر… اما الورد فطلبه الريال اللي سواليس الباقه قبل العرس باسبوعين لانه ورد الكالاليلي الوردي ما كان متوفر في هالفتره وحتى الورد الجوري الوردي اللي شلنه البنات نفس الشي

وبحكم الزفة اللي من كلماتها الليل وردي ولون الليل من وردك كان اختياري للون الوردي مع اني ما كنت ابا هاللون بس الصراحه طلع شي شي مو اي شي خخخخخخي … وبالتالي اضفت لمساتي الورديه على القاعه وبتشوفونها في الجزء الثاني اذا الله راد

وغير جيه مكياجي بعد كان لونه وردي ومدخله شوية بنفسجي لانه بعد الكوسه فيها لمسة بنفسجي خفيفة وايد

ملاحظه: الباقه مصورتنا الساعه 4 ونص الفجر يعني عقب ما انهرت خاصه انه الورد من النوع الحساس جدا ومبين هذا في الصوره الثانيه في ورد الاوركيد… وغير جيه المصورات ما قصرن قطعنها وقت التصوير على قولتهن الورق الاخضر الطويل يخرب على الصور … اسمنها كانت معاناه لدرجة اني كنت اتصور وانا حافيه من التعب اللي فيه… حد يتصور الساعه 4 الفجر غيري خخخخخي..

وهكذااااااااااا انتهينا من الجزء الاول

وان شاء الله بنزل الجزء الثاني يوم بستلم الالبوم وعقب ما اشوف تفاعلكم مع الموضوع

ادعن لي خواتي بالذريه الصالحه وان الله يسعدني مع ريلي

واللي خاطرها في اي شي من اللي في الصور فالها طيب ترى مثل ما ساعدتني في عرسي انا مستعده اساعدكن

الخوات لبعضهن والا شو رايكن

والسموحه…..