اللولب الهرموني .؟

بنات انا حابة اركب لولب وسالت الدكتورة عنه ونصحتني بالهرموني اكثر من العادي لان اللولب العادي يزيد الدم وقت الدورة الشهرية ويزيد الالام ونسبة الحمل فيه مب قليله

انا الحين يتني الدورة ثاني يوم وهي قالت لي تعالي عندي خامس يوم من الدورة عشان اركبلج يعني عقب 3 ايام

انا في البداية اتحمست واتشجعت اني احطه خصوصا اني يبت عيالي ورا بعض وابغي ارتاح 3 او 4 سنين من دون حمل باذن الله

بس الحين يلست افكر واحترت احط ولا خصوصا عقب ما سويت بحث عنه وسمعت انه يلعب بالهرمونات ويخليج عصبية ويزيد الوزن…انا من ناحية الوزن عادي ما احاتي لاني روحي ابغي امتن شوي بس من ناحية العصبية ما ابغي نفسيتي تتعب وانا كله ولا نفسيتي الصراحة
بس الدكتورة لما سالتها قالت لا الهرموني ما يلعب باعصابج لان تاثيره بس في الرحم غير الحبوب والابر اللي تاثيرهم في الدم والجسم كله
بس بعدني محتارة الله يخليكم اللي مركبة اللولب الهرموني تفيدني وتخبرني هل اثر عليها وعلى نفسيتها ولا لا؟؟
وشو عن الدورة تنقطع ولا تنزل قطرات طول الشهر ولا كيف؟؟
وخبروني اي شي عن سلبياته وايجابياته وكل شي تعرفونه عنه بليز

يزاكم الله خير