السلام عليكم ورحمة الله وبركاته
خواتي اللللللله يخليييييييييكم اللي تعرف رقم استشارية في العلاقات الاسرية وتكون زينة بلييييييييز عطوني رقهما (افضل حرمة بس لو شي ريال وايد اوكي وزين مو مشكلة)
والله جربت كل الحلول اللي اعرفها ولا قدرت احل مشاكلي مع ريلي
ولما كلمت اهلي طنشو كلامي وسوو روحهم مايعرفون شي كله من خوفهم اني اطلق
وانا يوم عن يوم نفسيتي تتدمر اكثر ولا اقدر اعيش مع ريلي
رغم انه يحبني وانا احبه وهو طيب وكل شي بس …………! كل يومين تطلع لنا مشكله من تحت الارض وانا تعبت والله تعبت
كل مرة نقول بنفتح صفحة يديدة ,,, وماتمر علينا 3 ايام الا احنا في مشكله ثانيه والمصيبه ان المشاكل في اساسها سخيفه بس ماعرف شو اللي يستوي بالضبط …!
ريلي يعرف انه مستحيل يلقى مثلي وانا اعرف اني مستحيل القى مثله بس مب قادرين نعيش مع بعض مب قادرين نتواصل مع بعض مب قادرين نفهم بعض خلااااص انا وهو تعبنا نفسيا
ابي احل هالمشكله دخيلكم الله يخليكم اللي تعرف رقم استشارية لا تبخل علي والله العظيم محتاجتنه اكثر عن اي شي ثاني
واذا تعرفون اذا شي مركز حق الاستشارات الاسرية فالعين وين مكانة بعد خبروني
ادري انكم مابتقصرون وياي عشان جيه طلبتكم 
والله يبعد عنكم وعنا المشاكل قولو امين ..
الغاليه انل ماعرف استشاريين ولا شي بس حبيت اقول لج يمكن سبب المشاكل اللي انتو فيها مثلا عصبيتج او عصبية ريلج يعني يمكن تعاندون ويا بعض ولا تطوفون السوالف اللي ممكن تسويلكم مشاكل الله يهدي بالج ويبعد عنج المشاكل ان شاء الله اكثري من الاستغفار وذكر الله وصدقيني الغاليه فكري عدل واعرفي من اساس المشاكل ان شاء الله بتلقين الحل باذن الله والسموحه الغاليه
بالعكس الغاليه انا من النوع اللي امسك نفسي واكون هاديه جدا معاه
وزوجي الحمدلله مو عصبي وايد وحتى لو عصب وحس انه غلط علي يرد ويعتذر
يعني لو اخلي المشاكل على صوب والله علاقتنا روعه هو انسان رائع في تعامله وياي وانا الحمدلله مو مقصرة وياه
بس مب قادرين نتفاهم ماعرف احس المشاكل تيينا بلا سبب!!! حتى ريلي تعبان نفسيا من هالشي ونحاول نحل هالمشاكل ونحاول نفهم بعض وماقدرنا!!!
يعني حتى ريلي حليله يحاول وياي انه نحل مشاكلنا ونفهم بعض بس ماااااقدرنا!!!
ساعات اقول لتكون عين وصابتنا..!!! لانه فعلا مشاكلنا مالها اي داعي..!!!
ومشكورة الغاليه عالرد
الله يعينج…اسمحيلي ما عرف استشاريين
بس غريبة…اذا انت هادية…وهو مب عصبي…وثنينكم تريدون بعض… عيل وين المشكلة؟؟؟
كل حياه زوجيه فيها مشاكل ما توصل للطلاق
وانتي لا اظهرين مشاكلج لأهلج اذا كانت مثل ما تقولين مشاكل عاديه
او ما تسوا
انصحج بقراءة سورة البقره كل ثلاث ايام في بيتج
واكثري من الدعاء والذكر
ما عليكم شر انتي وريلج
ان شاء الله
بس لا اضخمون السوالف وتكبرونها اذا كانت عاديه
والله يوفقكم
انا اعرف مستشاره اوكي في بوظبي في مركز التواصل للدريب والإستشارات الأسريه واسمها
هدى العلي واللي تبى رقمها تراسلني على الخاص
الله يصلح ما بينكم ان شاء الله
ولا اييب الزعل والمشاكل يا رب
عندج مركز الدعم الاجتماعي في العين في فلج هزاع بس الصراحه ما قدر سرت له … بس هووو مال المشاكل الاسريه
والله يوفقج ويسعدج يا رب