اللغة الانجليزيه

السلام عليكم ورحمة الله وبركاتة

46 ولا رد على العموم مشكورين

أحسن شي لـ british council في تطوير اللغة

هلا اختي

لما دخلتي معهد ..حطوج في اي مستوى ؟
و شو طبيعة شغلج و ايميلاتج بزنس او IT او ….

حبيبتي لازم تبذلين جهد شخصي لان في وجهة نظري المعاهد الفايدة منها قليلة واحيانا معدومة

بمعنى اخر ابني لج اساس في اللغه عقب دشي معهد او شي ثاني

تعليمات الاخت "بنت المكلا " صحيحة، لكن اختلف معاها بخصوص المعاهد.
بكلمج عن تجربتي، عزيزتي انا اول ما بديت الشغل في القطاع الخاص اكتشفت ان لغتي الأنجليزية ضعيفة جدا مقارنة بزملائي في العمل سواء اجانب او عرب او هنود.
اول شي سويته اني دخلت معهد لعدة مستويات، الفايدة اللي طلعت منها أنه سوالي مراجعة لكثير القواعد اللي درسناها في المدرسة لكن ما قمنا نستخدمها في العمل.
وبعدين كثرت من قرأء الصعف و المجلات باللانجليزي.
و بخصوص المراسلات ، اشتريت كتاب صياغة و سويت لي دفتر خاص فيني ، كل ما تمر عليه عبارة او جملة احس اني ممكن استفيد منها اكتبها و اعيد استخدامها وقت الحاجة.
و غير شي حبيبتي لا تحاتين، عملج مع اجانب بيقوي اللغة عندج يوم بعد يوم بالممارسة و الكلام بتحسين ان لغتج استوت وايد احسن.
الله يكون في عونج اختي.

انصحج بعد بالـBritish Council اعتقد انه افضل معهد لتعليم اللغة بس مشكلته انه مواعيدة مش دايما مرنه و اسعارة غالية، بس اذا عندج القدرة ادخليه و كلمي كل المستويات عنده ، في عندهم مستويات للـBusiness English بس على حسب اني شو المستوى اللي بينصحونج فيه.