صبااااح الورد خواتي
انا اعاني من قشرة بشعري ،، ومب اي قشرة فظيييييييعه
والله ما تم شي ما جربته ما فاد وياي ، كلها حلول مؤقته فقط
خبروني الله يرضى عليكم ابا شي يخوز القشرة نهائيا
والله تعبت وااايد منها
ومشكورين
اختي عليج بغسل شعرج كل يوم في بداية العلاج واذا بتدهنينه كل يوم وترك بعد زين
وعقب ما تغسلينه هاتي السيشوار وجففيه من الجذور
وان شاءالله بتخوز القشرة
خذي ماي البصل و حطيه على شعرج ساعة قبل ما تسبحين
مجربة
حطي فشعرج مسمار مطحون .. ها اللي يحطونه فالاكل .. واخلطيه بالزيت زيتون مستحيل ترد لج القشره عقب انا مجربتنها .. موفقه الغاليه 
خخخ الردود الي فوق ضحكتني وشر البليه مايضحك
بس احس مب كل شي نحطه على شعورنا
جربي علاج طبيعي
ولا سيري عند اخصائيه مختصه بهالشي وهي بتشوفلج شو سبب هالقشرة
بالتوفيج
أنا و ربيعتي كانت عدنا نفس المشكله
و مع اني سرت عند كذا دكتوره و عطوني كذا شامبو بس ما نفعني ابد
الين ما اكتشفت شامبو Bioderma للقشره
هذا الوحيد اللي نفعني أنا و ربيعتي
أول شهر تستعملينه ثلاث مرات فالاسبوع
تحطينه على فروة الراس و تسوين شويه مساج و تغسلينه
و عقب تحطينه مره ثانيه على الفروه و تسوين مساج عالخفيف و تخلينه خمس دقايق و عقب تشطفينه
الشامبو موجود في كل الصيدليات و لونه أبيض و أخضر و اتوقع سعره 80 ، يفرق السعر من صيدليه لصيدليه