الفزززززززززعة يا اخواتي في المنتدى ابي رايكم

اخواتي انا اثق بذوقكم،وصلنا في بيتي الجديد
اختيار الأبواب
وأنا وزوجي خاطرنا بالابواب الخشبية البيضاء المودرن
بس مترددة لأان اللون فاتح وعندي أطفال وضيوف دايما
شو رايكم يا ريت تساعدوني

انا من رايي انج تختارين الابواب البنيه المحروووقه المايله للسواد يعني اللي يشوفها من بعيد جنها سوداء احسها حلووووه وراقيه وافضل
وانتي تقولين ان عندج يهال والضيوف دوم عندج يعني الابواب البيضاء ماتنفع بيبين الوسخ فيها بسررررعه وتعرفين انتــــــي عاد اليهااال << يبيلج تصبغينها كل اسبوووع

وتتهنوون بالبيت يارب بيت عااامر

ان شاءالله المجربين يفيدونج بس احس بسرعه بتتوصخ

تقدرين اتسوينه بالالمنيوم,,عندهم على شكل شرايح خشب بأي لون تحبين,,,يعني يباله مسح بالليف اذا اتوصخ افضل لج من الخشب اللي يتقشر ويتغبر واحيانا الرمة تاكله وهيك

سبحان الله وبحمده

عزيزتي .. مثل ما قالت الأخت إما تختارين أبواب من ألمنيوم أبيض .. بس صراحة الأبيض يتوسخ .. ويحتاج إلى اهتمام وتنظيف دائم .. أنا صبغت جدران البيت صبغ استيكو أبيض لأني أحب الأبيض .. بس تعبانة في التنظيف .. أنصحج اتفصيلن أبواب بنية من الخشب المحروق .. والله يوفقج ..

الابيض حلوو ومب لهالدرجة صعب تنظيفة
اهم شي تروحين لمصنع خشب
لا تسيرين لمحلات النجارة الصغيرة سيري للمصنع
بيسويلج الباب عليه طبقة من الصبغ اللي تحسين انه سهل التنظيف (يعني الطبقة الاخيره تلمع شوووي)
واذا متخوفه ممكن تخلين الطابق اللي تحت بني
واللي فوق ابيض

ومبرووكين وان شاء الله بيت السعادة