انا مظايجه .. ماحس اني عرووس .. محد عندي يروح وايي ويايه اتزهب بروحي .. والله احساس مب شي .. ماحس بلفرحه .. كله حساسيات بيني وبين خواتي .. حتى ربيعات ما عندي .. 24 ساعه يالسه بروحي .. ولو طلعت اتزهب اسير بروحي وماعرف شوو اخذ ولا شوو اسوي .. ما عندي حد حتى اشكيله .. ماشي باقي عن عرسي وانا ما يخطف علي يوم بدوون ما تنزل دمعتيه فيه
كليوووم عن يووم احس بالالم يزيد .. كل ما يقرررب يووم عرسيه احس بحسره ووحده والله جتلوا الفرحه فقلبيه
ماحس ابدن بالفرحه ..ماعرف شسوي .. كيف البنت تفرح بروحها يوم عرسها
شو اسوي وانا محتايه شور فالف شي وشي ومب لاقيه حد يسمعني ..!
مرحبا الغالية ..
فديتج و الله محد يستاهل بهالدنيا تتضايجين عشانه ,,
افرحي و استانسي مردهم يعرفون قدرج ، مش قصدي تكوني أنانيه لا كوني واثقة بنفسج و دورين مصلحة نفسج
مدام محد حاس بج ..
اي شي تينه الغالية نحن خواتج .. ما بنقصر جان في ايدنا شي ,,
الله ييسر أمورج و يفرج همج ان شالله ,,
(( ادعيلي بالزوج الصالح ))
الغاليه لا تضايجين
نحن وياج فالمنتدى مثل خواتج واكثر
اي شي تحتاجينه ولا ماتعرفينه تقدرين تاخذين راينا فيه
وان شاء الله خواتج بيعرفون انهم غلطانين فحقج ومابيقصرون وياج
وان شاء الله بتتيسر امورج
والله يوفقج ان شاء الله
انزين يمكن انتي مزعلتنهم بشي راجعي نفسج وحاولي تتقربين لهم و تشوفين ليش مب فرحانين لج ترى الفرحه هاي لج ولهم
لازم فيه سبب وحاولي تحلينه يعني يمكن مزعلتنهم بشي
ولو كان الغلط منهم ربي يسامحهم ويهديهم ولاتنكدين على عمرج هاي احلى ايام في حياتج استانسي ولاتضايقين
لو من بوظبي بمر عليج بوديج اتزهب وياجج والله قولي لي من وين؟
الله يوفقج وييسر اموورج يآآرب ويسعدج ان شالله …^^..
خلج وآآثقه من عمرج
وخلج دوووم متفآآئله
.. ونحن ان شالله بنكون ويآآج ..
حببتي انتي من وين؟؟؟
بعدين اهلج ليش مايساعدونج صاير شي؟؟
كوني واثقة بنفسج واذكري انج عروس واستعدي للحياة اليديدة ونحن هني مثل خواتج اي شي تبيين راسليني