الغيره في مكان العمل .

اشحالكم حبيباتي..

طال عمركم فمجال عملي أعاني من مشكلة وحده …

عندي وحده الله يهداها دوووووم اتيي عندي وترمس عن ربيعتنا الثانية وطبعا هي تحاول تقولي عن مدى حب المديره حق الثانيه وشكثر تفرق امبينا ومدى شطارتها وتفوقها وللامانه هي صدق ماشالله فنانه …واحس ان ربيعتي ماقصدها شي بس لان هي بعد ملاحظه تميز ربيعتنا … عاد صاحبتكم اول شي تطنش احين قمت اغااااااااااااااااااااااار غصب عني
يعني انا هاي 4 سنه عمري ما غرت من وحده !!!!! لكن الحين مستويه حساسه وااااااااااااايد تجاه هالسالفه …. يمكن لاني اقدم من هالموظفه …. وقمت الاحظ كل شي ..

عادي نازعوووني قولوا اللي تبون تقولونه احسني مب صاحيه لني اغاااااار

يعني الواحد يسوي اللي عليه والاهم رضا الله … بس انا بعد ابى اسمع كلام يخليني اروح الدوام وانا اقووووووول فديت ربيعتي .. (اللي اغار منها طبعا ) ههههه

الخوات يغارون من بعض مب عيب

بس سيطري عليها يعني لا تظهرين الغيرة جدام حد

عشان سبحان الله في ناس يخاذون فكرة غلط

لان نفس المشكلة صارت لي

الغيرة خليها دافع للتميز لك

والارزاق بيد الله

قل لنا يصيبنا الا ما كتب الله لنا

زميلتين : وحدة لها الأقدمية
والثانية جديدة لكن لها حس الإبداع والتطوير

والثانية قدرت خلال فترة قصيرة تثبت نفسها

وهذا الشي خلى القديمة تغار ونعتبر ان أي تكريم أو تمييز للجديدة
هو نوع من المحاباة مب نوع من التقدير لجهودها.

فكانت القديمة تسئء معاملة الجديدة
بينما الجديدة لأن حسن التصرف جزء من شخصيتها أبدا ما زعلت منها
وتمت تعاملها بحيادية

انتي بعد لازم يكون عندج حيادية

أولا لا تعطين اذنج للقيل والقال
لأنه هذا اللي يدمر بيئة العمل

ثانيا انتي بنفسج قلتي عنها انها مميزة
أوكي هذي الخطوة الأولى !

لازم الخطوة الثانية تكون تطوير نفسج في العمل
ورسم خطة عشان تتفوقين عليها

وبعدين انتي اللي بتستوين مميزة بجدارة .

انا يوم كنت اشتغل كان في واحد يغار مني