هلا خواتي الأمهات
أنا بنتي تعذبني وايد في الأكل خبروني عن تجربتكن شو أفضل الأطعمة ممكن أحضرها لها في البيت لآني ما احب اعطيها الأشياء الموجودة في السوق
على فكرة بنتي عمرها سنة
الغاليه دام عمرها سنه ابدي أكليها من أكل البيت .. طبعا بالتدريج والأشياء اللي ما تكون حاره …
يعني عطيها مكرونه و عيش و لحم ودياي و سمج و شوربات و هريس وعرسيه و خبز و جبن …
ولا تنسين السلطات والفواكه بأنواعها كلها تقعطينها قطع وتعطينها تاكلها .. بس التفاح قشريه لأنها ممكن تغص بالقشر ماله … و عطيها عصاير فريش انتي اعصريلها في البيت أحسن … وحليب طازج و لبن وروب ..
ولا تحاتين شي ما شاء الله في هالعمر يبدون ياكلون عادي من أكلنا بس أهم شي تبتعدين عن التوابل الحاره والفلفل لأنه مب زين …
ممكن تسويلها شوفان بالحليب لذييييذ ومغذي ويحبونه اليهال .. و سويلها كسترد و مهلبيه و كريم كراميل ..
ونصيحه لا تأكلينها أكل كله مهروس دامها كملت سنه لأنه جذه بتتعود تاكل مهروس وما بتحرك فكها و تهضم عدل … خلاص ابدي عوديها على الأكل بطبيعته يعني العيش خل تاكله شراتنا بدون هرس و المكرونه و الخبز والصمون وغيره .. عطيها حتى الجزر تعضضه يقوي اللثه حتى لو ما فيها أسنان ..
والله يبارك لج فيها …
[IMG]http://www.*******.org/images/musfghp244ykgwblrc3r.gif[/IMG]
كيف اسوي شوفان بالحليب؟
المشاركة الأصلية كتبت بواسطة جميلة الجمال 
مشكورة الغالية بثينة
شوفان بالحليب يريح اليها وبنتي تحبه
الطريقه خذي ملعقتين كبار شوفان وكوب ماي وخليه يفور على الغاز عقب ضيفي شوية سكر وحليب وشوفي قوامه انا بنتي تحبه غليض في يهال يحبوه خفيف انتي تحكمي بالقوام المناسب لطفلج