السلام عليكن خواااتي عسااكن بخير
ابغي اعرف امنوه جرب هالفندق
لانّا نبا نحجز عالاسبوع الياااي عشان عرس أخويه
ابغي اعرف هالشقق نظاف ؟؟؟ وشوه عن المطبخ بحصل فيه صحون وجدور وغلايه مااي ..؟؟
انا اتصلت بهم وقالوا عداله شويترام وين عنه بالضبط
والسموحه
خالتي يوم اتيي العين دوم تحجز عندهم ^^ ،،
واذكر مره سرنا نسلم عليها وكاان اوكيه حلووو نظيف ،،
بس ماعرف اذا فيه ادوات مطبخ ولا لا ،،
بالنسبه للمكاان شويترم موجود ف المويجعي (دوار اليبل) بس ما اظن الفندق موجود هناك !
اللي اعرفه موجود ف الجيمي وداخل السووق
احنا دوم نحجز هناك
نظيف وهادي وفيه اغراض المطبخ بس انا اشل وياي سخان الماي
وهو موجود مجابل قلعة الجاهلي قريب من الساعة الكبيرة وتحته فاين فير وبعض المحلات …..
انا من دبي .. لكن مرات انا وريلي نسير نبات في العين ,,
جربت هالفندق .. وهو نظيف ومرتب .. لكنه 4 نجوم .. يعني مب فخم لكن زين مقبول
وماعرف اذا فيه جدور ما لاحظت
الماسة للشقق الفندقيه في العين شي فرعين
فرع السوق بين شارع خليفة والشارع العام عداله مستشفى النور وفيه شويترام عداله امره كله في نفس المجمع
والفرع الثاني وين المركز الاداري عدال البلديات
وعن النظافه ومن داخل ماعرف بصراحه بس يمدحونهن وان شاء الله اكون فدتج
مشكوووووووووووورات خواااتي عالتواااااااااااصل
اتمنى احصل ردود اكثر
احنا نحجز الي جريب السوق وايد حلو وله خصوصيه واااااسع المكان