السلام عليكم ورحمة الله
يوم الزوجين يتطلقون
ليش كل واحد فيهم يعاند الثاني في رايكم
وفي بعض الزوجين يطنشون بعض
وليش الحرمة تروح ترفع عليه دعوى في المحكمة ؟
وليش الريال يعاند ويوقف امورها ؟
وفي رياييل مايفتكرون فيها مول
ولو بينهم عيال يروح الابو يسوي لهم حجز جواز ومنع سفر ؟
وفي أبهات مايفتكرون في عيالهم خير شر
والحرمة تطالب بكل حقوقها ماتتنازل وتعصر الريال قد ماتقدر ؟
وفي حريم عافك الخاطر ماتبا منه شي تخلعه
وليش الريال يعتبر الحرمة مب حرمة اذا دشت المحكمة ؟
يالله نبا نناقش هالموضوع لان في وايد اسر تفككت بسبب الخيانات واشياء اخرى
والله اني من كثر ماسمعت بلاوي في المحكمة ابا اخذ رايكم
سبحان الله
لا حول ولا قوة إلا بالله
*
*
الواحد بعد ماينجرح دايركت يفكر بالانتقام
الحين هم يبون ينتقمون من بعض بأي طريقه
المهم شعارهم ( ارد اعتباري ) بس
صح كلامج بس بالأول والأخير لازم ينسون خلافاتهم ويركزون ع العيال عشان لا يضيعون بينهم ويتعقدون في حياتهم
هذا كله من قلة الدين !!!
شوفي أهالينا قبل ..
الوحدة من تتطلق تلقى ألف واحد يترياها عند الباب ويربي عيالها
وتكون علاقته زينه ويا طليقها ..
وهي تحفظ عياله
والطليق ما يقصر عليهم ..
هالمعاملة اللي جيل اليوم يشوفونها مثالية أكثر من اللازم شو منبعها ؟
طبعا الدين 
والله يا اخواتي احيانا الظروف تكون فوق الصعبه عشان كذا تلجى الحرمه حق القاضي